Պուտինը Չինաստանի վարչապետի հետ քննարկել է ՌԴ-Չինաստան-Մոնղոլիա ձևաչափով համագործակցության ընդլայնումը
1 րոպեի ընթերցում
Մոսկվան հատուկ ուշադրություն է դարձնում Ռուսաստան-Չինաստան-Մոնղոլիա ձևաչափով փոխգործակցությանը: Ինչպես «Արմենպրես»-ը տեղեկանում է «Ինտերֆաքս» գործակալությունից, այդ մասին հայտարարել է Ռուսաստանի նախագահ Վլադիմիր Պուտինը Մոնղոլիայի վարչապետ Գոմբոժավին Զանդանշատարի հետ հանդիպման ժամանակ։
«Մենք հատուկ ուշադրություն ենք դարձնում նաև փոխգործակցությանը եռակողմ ձևաչափով՝ Ռուսաստան-Մոնղոլիա-Չինաստան։ Այսօր ես հաճույք ունեցա հանդիպելու ձեր գործընկերոջ՝ Պետխորհրդի վարչապետի, ՉԺՀ կառավարության ղեկավարի հետ։ Մենք նաև նրա հետ խոսել ենք եռակողմ ձևաչափով մեր համագործակցությունը ընդլայնելու հնարավորության մասին», - ասել է Պուտինը։
Մոնղոլիայի վարչապետի հետ հանդիպումից առաջ Պուտինը հանդիպել էր Չինաստանի Պետխորհրդի վարչապետ Լի Ցյանի հետ։