TRIPP-ը քննարկվում է ՀՀ-ԱՄՆ ձևաչափով, երրորդ կողմ կարող է ներգրավվել միայն երկու կողմի համաձայնությամբ. Փաշինյան
1 րոպեի ընթերցում
«Թրամփի ուղու» նախագիծը քննարկվում է Հայաստան-ԱՄՆ երկկողմ ձևաչափով, երրորդ կողմ կարող է ներգրավվել միայն երկու կողմի համաձայնության դեպքում:
«Արմենպրես»-ի փոխանցմամբ՝ այս մասին լրագրողների հետ զրույցում ասաց ՀՀ վարչապետ Նիկոլ Փաշինյանը՝ պատասխանելով «Թրամփի ուղի» նախագծում ԵՄ-ի ներգրավվածության հնարավորության վերաբերյալ հարցին:
«TRIPP–ը քննարկվում է Հայաստան-ԱՄՆ երկկողմ ձևաչափով: Կարող է ներգրավվել ցանկացած երրորդ կողմ, որի շուրջ Հայաստանն ու ԱՄՆ-ն ձեռք կբերեն համաձայնություն»,-ասաց Փաշինյանը:
Վարչապետն ընդգծեց՝ ԵՄ-ն Հայաստանի համար վստահելի գործընկեր է:
«Եվ մենք շահագրգռված ենք, որ մեզ համար վստահելի ավելի ու ավելի շատ գործընկերներ ներգրավվեն: Զուտ կոռեկտության առումով ֆիքսվել է, որ Հայաստանն ու ԱՄՆ-ն են թեման քննարկում: Եվ երրորդ կողմերը կարող են ներգրավվել երկու կողմերի համաձայնության դեպքում»,-նշեց նա: