Պետգույքի կոմիտեն հայտարարել է մրցույթ՝ Ծիծեռնակաբերդի խճուղի 24/16 հասցեում գտնվող անշարժ գույքը վարձակալության տրամադրելու նպատակով
3 րոպեի ընթերցում
Պետական գույքի կառավարման կոմիտեն հրավիրում է բոլոր սուբյեկտներին` մասնակցելու Երևանի Ծիծեռնակաբերդի խճուղի 24/16 հասցեում գտնվող 259,38 քմ ներքին և 264,5 քմ արտաքին մակերեսներով ոչ բնակելի տարածքի և դրա զբաղեցրած, օգտագործման ու սպասարկման համար անհրաժեշտ 0,147111 հա մակերեսով հողամասի վարձակալության մրցույթին։
- Ամսական վարձավճարի նվազագույն չափը` 1,010,000 դրամ
- Վարձակալության տրամադրման ժամկետը՝ 10 տարի
- Օգտագործման նպատակը՝ սրճարանի շահագործում
Մրցույթին մասնակցելու համար անհրաժեշտ է ներկայացնել՝
- Գրավոր առաջարկ մրցույթի պայմանների վերաբերյալ
- Նախավճարի մուծումը (1,010,000 դրամ) հաստատող փաստաթղթերի բնօրինակները
- Իրավաբանական անձանց համար՝ գրանցման և հիմնադիր փաստաթղթերի (պետական ռեգիստրի վկայական, կանոնադրություն) պատճենները, քաղաքացիների համար՝ անձնագրի և սոցիալական քարտի պատճենը կամ նույնականացման քարտի պատճենը
- Հայտատուի կողմից տրված լիազորագիր (եթե մրցույթին ներկայանում է լիազորված անձը)
- Գործարար ծրագիր՝ գույքի օգտագործման նպատակի, ակնկալվող արդյունքների և նվազագույն ներդրումների չափի վերաբերյալ։
Մրցույթում հաղթող ճանաչված անձը պետք է ի գիտություն ընդունի, որ՝
- Ներդրումային ծրագրի շրջանակներում կատարված բարլավումները վերադարձման, իսկ դրանց արժեքները հատուցման ենթակա չեն
- Բացառվում է ժամանցային և զվարճանքի բնույթի միջոցառումների կազմակերպումները, երաժշտության կիրառումը։ Սրճարանի բացօթյա հատվածի կազմակերպումը թույլատրվում է միայն այն դեպքում, եթե այն լուծված է միջավայրին համահունչ
- Տարածքի արդիականացման կամ օգտագործման նպատակով վարձակալը ճարտարապետական նախագիծը պետք է ներկայացնի ԿԳՄՍՆ
- Վարձակալը պետք է ապահովի սրճարանի հարակից տարածքների խնամքը, ինչը ներդրումային պարտավորություն չէ։
Մասնակցության հայտերն ու պահանջվող փաստաթղթերն անհրաժեշտ է ներկայացնել Կոմիտե (Տիգրան Մեծի 4) մինչև 26․09․2025թ․, ժամը 18։00-ն ներառյալ՝ սոսնձված, ստորագրված ծրարով։
Մրցույթի հաղթող է ճանաչվում լավագույն պայմաններ առաջարկած և ըստ կշռային գործակիցների առավելագույն միավորներ հավաքած մասնակիցը, իսկ հավասար գործակիցների միավորների դեպքում նախապատվությունը տրվում է անշարժ գույքի համար բարձր վարձավճար առաջարկած մասնակցին:
Մրցույթի վերաբերյալ առավել մանրամասն՝ այստեղ: