Հայաստանի ՀՆԱ-ի աճն այս տարվա երկրորդ եռամսյակում կազմել է 5.9 տոկոս. էկոնոմիկայի նախարար
1 րոպեի ընթերցում
Հայաստանում 2025 թվականի երկրորդ եռամսյակում ՀՆԱ-ի աճի տեմպն առաջին եռամսյակի նկատմամբ արագացել է՝ կազմելով 5.9 տոկոս։
«Արմենպրես»-ի փոխանցմամբ՝ այս մասին «Ֆեյսբուք»-ի իր էջում գրել է ՀՀ էկոնոմիկայի նախարար Գևորգ Պապոյանը։
«Եթե այս տարվա 1-ին եռամսյակում ՀՆԱ-ն աճել էր 5,1%-ով, ապա 2-րդ եռամսյակում աճը արագացել է և կազմել 5,9%։ Հիշեցնեմ, որ նախորդ տարեվերջին, երբ ընդունվում էր այս տարվա բյուջեն, պետբյուջեում ՀՆԱ աճի համար կանխատեսված էր 5,1% աճ»,- գրել է Պապոյանը։