ՀՅԴ-ական Անդրանիկ Չամիչյանը կալանավորվել է. նրան մեղադրանք է առաջադրվել ահաբեկչություն նախապատրաստելու հոդվածով
1 րոպեի ընթերցում
ՀՅԴ անդամ Անդրանիկ Չամիչյանի նկատմամբ քրեական հետապնդում է հարուցվել ահաբեկչություն նախապատրաստելու հոդվածով։
«Արմենպրես»-ին այս մասին հայտնեցին ՀՀ քննչական կոմիտեից։
«Ա.Չ.-ի նկատմամբ հարուցվել է հանրային քրեական հետապնդում՝ Քրեական օրենսգրքի՝ 43-308-րդ հոդվածի 1-ին մասով՝ ահաբեկչության նախապատրասություն:
Վերջինիս նկատմամբ որպես խափանման միջոց կիրառվել է կալանքը»,- հայտնեցին ՀՀ քննչական կոմիտեից:
Քննչական կոմիտեն հուլիսի 10-ին խուզարկություններ էր իրականացրել ՀՅԴ-ական մի խումբ գործիչների տներում։ Խուզարկությունները իրականացվել էին «Սրբազան պայքար» շարժման անդամների կողմից ահաբեկչություն նախապատրաստելու և իշխանությունը բռնի զավթելու հոդվածներով հարուցված քրեական վարույթի շրջանակներում։ Խուզարկությունների արդյունքներով կային ձերբակալվածներ, որոնց թվում էր նաև ՀՀ ԱԺ «Հայաստան» խմբակցության պատգամավոր Գեղամ Մանուկյանի որդին՝ Տարոն Մանուկյանը։