ՀՀ ԱԱԾ տնօրեն է նշանակվել Անդրանիկ Սիմոնյանը

Հայաստանի Հանրապետության վարչապետ Նիկոլ Փաշինյանի որոշմամբ՝ Ազգային անվտանգության ծառայության տնօրեն է նշանակվել Անդրանիկ Սիմոնյանը: 

«Ղեկավարվելով «Հանրային ծառայության մասին» օրենքի 9-րդ հոդվածի
5-րդ մասով և «Ազգային անվտանգության մարմինների մասին» օրենքի 4.1-ին
հոդվածի 2-րդ մասով՝ Անդրանիկ Սիմոնյանին նշանակել ազգային անվտանգության ծառայության տնօրեն»,- «Արմենպրես»-ի փոխանցմամբ՝ նշված է վարչապետի ստորագրած որոշման մեջ: 

Հունիսի 18-ին  վարչապետ Նիկոլ Փաշինյանի որոշմամբ Արմեն Աբազյանն ազատվել էր Հայաստանի Հանրապետության ազգային անվտանգության ծառայության տնօրենի պաշտոնից։