Ադրբեջանի և Իսրայելի պաշտպանության նախարարները քննարկել են ռազմական համագործակցությունը

Ադրբեջանի պաշտպանության նախարար Զաքիր Հասանովն Իսրայել կատարած այցի ընթացքում հանդիպում է ունեցել Իսրայելի պաշտպանության նախարար Իսրայել Կացի և Իսրայելի պաշտպանության բանակի գլխավոր շտաբի պետ, գեներալ-լեյտենանտ Էյալ Զամիրի հետ:

Ինչպես հաղորդում է «Արմենպրես»-ը, վկայակոչելով «Ինտերֆաքս»-ը, այս մասին հայտնել է ադրբեջանական ռազմական գերատեսչության մամուլի ծառայությունը:

Ըստ աղբյուրի՝ կողմերը նշել են Ադրբեջանի և Իսրայելի միջև հարաբերությունների բարձր մակարդակը և մտքեր փոխանակել երկկողմ ռազմական համագործակցության զարգացման հեռանկարների շուրջ: Քննարկվել են ռազմատեխնիկական և ռազմակրթական ոլորտներում երկկողմ համագործակցության ընդլայնմանն ուղղված միջոցառումները, ինչպես նաև հեռանկարային ծրագրերը: