1 րոպեի ընթերցում
Ուկրաինայի նախագահ Վոլոդիմիր Զելենսկին հանդիպել է Միացյալ Նահանգների նախագահ Դոնալդ Թրամփի հետ։
«Արմենպրես»-ի հաղորդմամբ՝ այս մասին հայտնում է «ՌԲԿ-Ուկրաինա»-ն՝ մեջբերելով նախագահ Զելենսկիի մամուլի քարտուղար Սերգեյ Նիկիֆորովի խոսքերը։
Երկու առաջնորդներն էլ գտնվում են Հռոմում, որտեղ մասնակցում են Հռոմի պապ Ֆրանցիսկոսի հուղարկավորությանը։
Հռոմի Ֆրանցիսկոս պապի հրաժեշտի արարողությունն անցկացվում է Վատիկանի Սուրբ Պետրոսի հրապարակում։ Արարողությանը մասնակցում են նաև Հայաստանի նախագահ Վահագն Խաչատուրյանն ու Ամենայն Հայոց կաթողիկոս Գարեգին Երկրորդը։