Սևանցի Գառնիկ Աբրահամյանը ոսկե մեդալ է նվաճել եռամարտի միջազգային առաջնությունում

Լեհաստանի Շեդլեց քաղաքում տեղի է ունեցել  XPC վարկածով ուժային եռամարտի Եվրոպայի առաջնությունը: ՀՊՖ նախագահ և գլխավոր մարզիչ Գագիկ Սարոյանի գլխավորությամբ առաջնությունում Հայաստանի պաուերլիֆտինգի հավաքականի կազմում որպես մարզիկ հանդես է եկել նաև Ն. Դագարյանի անվան մանկապատանեկան մարզադպրոցի մարզիչ Գառնիկ Աբրահամյանը։ 

Ինչպես «Արմենպրես»-ին տեղեկացրին Սևանի համայնքապետարանի աշխատակազմից, Աբրահամյանը 82.5 կգ քաշային կարգում պառկած սեղմում վարժությունում գրավել է 1-ին տեղը՝ արժանանալով ոսկե մեդալի և պատվոգրի։

Առաջնությանը մասնակցել է 15 երկրից ավելի քան 400 մարզիկ: