ԱՄՆ-ն մտադիր է փետրվարի 28-ին հազվագյուտ հանածո մետաղների վերաբերյալ համաձայնագիր կնքել Ուկրաինայի հետ

ԱՄՆ-ի նախագահ Դոնալդ Թրամփը հաստատել է, որ ուրբաթ օրը մտադիր է ուկրաինական հազվագյուտ մետաղների համատեղ արդյունահանման վերաբերյալ համաձայնագիր ստորագրել Ուկրաինայի հետ: «Արմենպրես»-ի հաղորդմամբ՝ ԱՄՆ նախագահն այս մասին հայտարարել է ամերիկյան վարչակազմի նիստի ընթացքում, որը տեղի է ունեցել փետրվարի 26-ին Վաշինգտոնում:

«Զելենսկին այստեղ կժամանի ուրբաթ օրը: Այս տվյալները հաստատվել են: Մենք կստորագրենք մեծ համաձայնագիր, որը վերաբերում է հողային հազվագյուտ մետաղներին և այլ բաների: Մեզ հաջողվում է լավ աշխատել Ռուսաստանի, Ուկրաինայի հետ»,- նշել է Թրամփը: