391.59
ՀՀ էկոնոմիկայի նախարարը և ԱՄԷ-ի պաշտոնյան քննարկել են երկկողմ տնտեսական համագործակցության զարգացման հեռանկարները
1 րոպեի ընթերցում
Արաբական Միացյալ Էմիրությունների Ռաս ալ-Խայմայի Էմիրության կառավարիչ, Գերագույն խորհրդի անդամ Շեյխ Սաուդ Բին Սակր Ալ Կասիմին փետրվարի 20-ին ընդունել է Հայաստանի Հանրապետության էկոնոմիկայի նախարար Գևորգ Պապոյանին և նրան ուղեկցող պատվիրակությանը։
«Արմենպրես»-ի հաղորդմամբ՝ այս մասին հայտնում է Wam լրատվական գործակալությունը։
Նշվում է, որ հանդիպմանը ներկա է եղել նաև ԱՄԷ-ում ՀՀ դեսպան Կարեն Գրիգորյանը։
Հանդիպման ընթացքում կողմերը քննարկել են Հայաստանի և ԱՄԷ-ի միջև տնտեսական, առևտրային և ներդրումային համագործակցության ամրապնդման հարցեր։ Երկուստեք ընդգծվել է երկու երկրներում կայուն զարգացման խթանման, առաջընթացի և բարգավաճման կարևորությունը։
Շեյխ Սաուդը բարձր է գնահատել Հայաստանի և ԱՄԷ-ի միջև ձևավորված ամուր հարաբերությունները՝ նշելով, որ վերջին տարիներին համագործակցության առանցքային ոլորտներում զգալի առաջընթաց է գրանցվել։
Բաժանորդագրվեք մեր ալիքին Telegram-ում