Հայաստանի արտաքին պարտքը ոչ թե 12 միլիարդ դոլար է, այլ 5.96 միլիարդ դոլար․ Էկոնոմիկայի նախարար
1 րոպեի ընթերցում
Հայաստանի էկոնոմիկայի նախարար Գևորգ Պապոյանը հերքել է տարածվող տեղեկությունները, թե Հայաստանի Հանրապետության արտաքին պարտքը հասել է 12 միլիարդ դոլարի։ «Արմենպրես»-ի հաղորդմամբ՝ նախարարն այս մասին ասել է Ֆեյսբուք»-ի իր էջում հրապարակված տեսանյութում։
«Վերջերս շատ եմ ստանում նամակներ ձեզանից, մեկնաբանություններ սոցցանցերի էջերում, նաև անհանգստություններ, որ ի՞նչ ենք անելու կամ ի՞նչպես եղավ, որ Հայաստանի Հանրապետության արտաքին պարտքը դարձավ 12 միլիարդ դոլար։
Սիրելի հայրենակիցներ, Հայաստանի Հանրապետության արտաքին պարտքը 12 միլիարդ դոլար չէ, Հայաստանի Հանրապետության արտաքին պարտքը 5 միլիարդ 962 միլիոն դոլար է։ Այն մարդիկ, որոնք տարածում են այդ 12 միլիարդ դոլար թիվը, կամ տեղեկացված չեն կամ միտումնավոր են մանիպուլացնում, որպեսզի քաղաքական դիվիդենտներ շահեն ձեզ սխալ տեղեկատվություն տալու միջոցով»,- ասել է Պապոյանը։