1 րոպեի ընթերցում
Հայաստանի վարչապետ Նիկոլ Փաշինյանը Մոսկվայում Հաղթանակի օրվա միջոցառումներին մասնակցելու պաշտոնական հրավեր է ստացել։ «Արմենպրես»-ի փոխանցմամբ՝ «Ռիա Նովոստի» լրատվական գործակալությանն այդ մասին հայտնել է ՀՀ-ում ՌԴ դեսպան Սերգեյ Կոպիրկինը։
«Ցանկանում եմ նշել, որ մի քանի ամսից բոլոր ռուսաստանցիները նախկին Խորհրդային Միության ժողովուրդների հետ միասին նշելու են Հայրենական մեծ պատերազմում հաղթանակի 80-ամյակը։ Պաշտոնական հրավեր է ուղարկվել ՀՀ վարչապետ Նիկոլ Փաշինյանին՝ մասնակցելու Մոսկվայում կայանալիք հանդիսավոր միջոցառումներին»,- ասել է Կոպիրկինը։
Նա արժևորել է այն հանգամանքը, որ որ ինչպես նախկինում, այնպես էլ հիմա Ռուսաստանին և Հայաստանին միավորում է ժողովուրդների սխրանքի հիշատակի նկատմամբ հարգանքը:
«Դա հատկապես կարևոր է մեր ընդհանուր Հաղթանակի նկատմամբ հարաճուն հարձակումների պայմաններում»,- նշել է դիվանագետը։