398.94
ԵԱՏՄ-ին Հայաստանի անդամակցությունն անհամատեղելի է Եվրամիությանն անդամակցելու նրա ցանկության հետ․ Լավրով
1 րոպեի ընթերցում
Հայաստանի անդամակցությունը Եվրասիական տնտեսական միությանն անհամատեղելի է Եվրամիությանն անդամակցելու Երևանի ցանկության հետ, քանի որ այդ միջազգային ասոցիացիաները գործում են տարբեր սկզբունքներով։
«Արմենպրես»-ի հաղորդմամբ՝ այս մասին հայտարարել է Ռուսաստանի Դաշնության արտաքին գործերի նախարար Սերգեյ Լավրովը մամուլի ասուլիսի ընթացքում։
Անդրադառնալով Հայաստանի կառավարության կողմից ԵՄ-ին անդամակցելու գործընթաց սկսելու մասին նախագծին հավանություն տալուն՝ Լավրովը հիշեցրել է Ռուսաստանի Դաշնության փոխվարչապետ Ալեքսեյ Օվերչուկի խոսքերն այն մասին, որ Եվրասիական տնտեսական միությունն ու Եվրոպական միությունն անհամատեղելի կառույցներ են։
Հայաստանի կառավարությունը հունվարի 9-ին դրական դիրքորոշում է ներկայացրել «Եվրոպական միությանը Հայաստանի Հանրապետության անդամակցության գործընթացի մեկնարկի մասին» օրենքի նախագծի վերաբերյալ։ Նախագիծն առաջիկայում քննարկվելու է ՀՀ խորհրդարանում։
Բաժանորդագրվեք մեր ալիքին Telegram-ում