2 րոպեի ընթերցում
ԱՆՈՆՍ
09 հունվար, 2025
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Ժամը 14:45-ին Կառավարության մամուլի սրահում (Հանրապետության հրպ., Կառավարական տուն 1) ժամը 15:00-ին տեղի կունենա ՀՀ բարձր տեխնոլոգիական արդյունաբերության նախարար Մխիթար Հայրապետյանի 2024թ. ամփոփիչ մամուլի ասուլիսը: Նախարարը կներկայացնի նախորդ տարվա ընթացքում ոլորտի զարգացմանն ուղղված աշխատանքները և ձեռքբերումները:
ՀՀ նախարարություններ
Ժամը 13:30-ին Տարածքային կառավարման և ենթակառուցվածքների նախարարության առաջին հարկի դահլիճում կկայանա նախարար Դավիթ Խուդաթյանի մամուլի ասուլիսը, որի ժամանակ կամփոփվեն նախարարության կողմից 2024 թվականին իրականացված աշխատանքները։
Պետական կառույցներ
Ժամը 12:00-ին «Արմենպրես» լրատվական գործակալության մամուլի սրահում (Աբովյան 9) տեղի կունենա ՀՀ բնապահպանության և ընդերքի տեսչական մարմնի ղեկավար Հովհաննես Մարտիրոսյանի ասուլիսը: Թեմա. ՀՀ բնապահպանության և ընդերքի տեսչական մարմնի 2024 թվականի աշխատանքների ամփոփում։
Մամուլի ակումբներ
Ժամը 12:00-ին Մեդիա կենտրոնում տեղի կունենա քննարկում՝ «Ալիևի ագրեսիվ հռետորաբանությունը. ի՞նչ է սպասվում Հայաստան-Ադրբեջան հարաբերություններին» թեմայով։ Բանախոսներ՝ տարածաշրջանային հարցերով փորձագետ Արմեն Պետրոսյան, Անվտանգային քաղաքականության հետազոտական կենտրոնի ղեկավար Արեգ Քոչինյան: Ադրբեջանի նախագահ Իլհամ Ալիևը հունվարի 7-ին տեղական հեռուստաընկերություններին տված հարցազրույցի ընթացքում մի շարք ագրեսիվ հայտարարություններ է արել Հայաստանի Հանրապետության հասցեին։
Մշակույթ
Ժամը 17:30-ին «Մոսկվա» կինոթատրոնում տեղի կունենա ռեժիսոր Զառա Ջյանի «Ես վրեժխնդիր կլինեմ աշխարհից սիրո միջոցով - Ս.Փարաջանով» վավերագրական ֆիլմի երևանյան պրեմիերան: