3 րոպեի ընթերցում
ԱՆՈՆՍ
23 հոկտեմբեր, 2024
ՀՀ ԱԺ
Ժամը 10:00-ին ՀՀ ԱԺ-ում աշխատանքը կշարունակի Ազգային ժողովի հերթական քառօրյա նիստը:
Պետական կառույցներ
Ժամը 09:30-ին Հայոց ցեղասպանության թանգարան-ինստիտուտի գիտաժողովների դահլիճում հոկտեմբերի 23-25-ը տեղի կունենա միջազգային գիտաժողով՝ “The International Recognition of the Armenian Genocide: Memorial, Political, and Geopolitical Stakes of a Decades-Long Unfinished Struggle” (Հայոց ցեղասպանության միջազգային ճանաչումը. տասնամյակների անավարտ պայքարի հիշողութային, քաղաքական և աշխարհաքաղաքական ուղենիշները) թեմայով: +374 10 39 09 81:
Ժամը 10:30-ին Հայաստանի պատմության թանգարանում Հայաստանի պատմության թանգարանի, Թանգարանների միջազգային խորհրդի (ԻԿՕՄ) Անձնակազմի վերապատրաստման միջազգային կոմիտեի (ԻՔԹՕՓ), Էթիկայի դիլեմաների միջազգային կոմիտեի (ԻՍԻ ԷԹԻՔՍ) և ԻԿՕՄ-ի Հայաստանի ազգային կոմիտեի համատեղ նախաձեռնությամբ հոկտեմբերի 23-26-ը կանցկացվի «Թանգարանային պրոֆեսիոնալիզմը և էթիկան դժվարին ժամանակներում» խորագրով միջազգային գիտաժողով։ Գիտաժողովը նվիրված է Հայաստանի պատմության թանգարանի 105 և թանգարանի հիմնադիր տնօրեն Երվանդ Լալայանի 160-ամյակներին։ Նույն օրը՝ ժամը 17։30-ին, գիտաժողովի շրջանակներում կկայանա «Թանգարան-105» խորագիրը կրող ժամանակավոր ցուցադրության բացման արարողությունը։ Ցուցադրության շրջանակում կներկայացվեն թանգարանի արխիվային լուսանկարներից, փաստաթղթերից, ինչպես նաև տարբեր ժամանակահատվածներում թանգարան այցելած հյուրերի կարծիքներից։ 055 520691:
Կուսակցություններ, ՀԿ-ներ, միջազգային կազմ-ներ
Ժամը 11:00-ին ՄԱԿ-ի հայաստանյան գրասենյակի կոնֆերանսների դահլիճում (Պետրոս Ադամյան 14, 1-ին հարկ) կկայանա «Հայաստանում հղի կանանց և մայրերի շրջանում կրծքի կաթի փոխարինիչների և նորածինների ու վաղ տարիքի երեխաների համար սննդի թվային մարքեթինգ» ուսումնասիրության արդյունքների ներկայացման միջոցառում: Ողջույնի խոսք՝ Հայաստանում ԱՀԿ ներկայացուցիչ, դոկտոր Սիդարթա Դատտա, ՀՀ առողջապահության նախարարի տեղակալ, դոկտոր Արմեն Գասպարյան: +374 99 658777:
Ժամը 17:00-ին Թեքեյան կենտրոնում (Խանջյան 50) տեղի կունենա Հայաստանի Թեքեյան մշակութային միության, ԱՄՆ և Կանադայի մշակութային միության նախաձեռնությամբ անցկացվող ամենամյա «Վահան Թեքեյան» միջազգային մրցանակաբաշխության ամփոփիչ ձեռնարկը։ Մրցանակներ և դրամական պարգևներ կհանձնվեն հետևյալ անվանակարգերում հաղթող ճանաչված մասնակիցներին՝ Գրականություն, Հայագիտություն, Կերպարվեստ և Դեկորատիվ կիրառական արվեստ, Վահան Թեքեյանին նվիրված աշխատության համար։ Տոնական ձեռնարկին կմասնակցնեն գրականության և մշակույթի ոլորտի անվանի ներկայացուցիչներ, մրցույթի մասնակիցները, արվեստասեր հանրություն։ Կատարումներով հանդես կգա Արցախի ազգային նվագարանների պետական նվագախումբը, գեղ.ղեկավար և դիրիժոր Լևոն Սարդարյան։ 010 55 26 32, 010 57 02 83։