2 րոպեի ընթերցում
ԱՆՈՆՍ
22 հոկտեմբեր, 2024
ՀՀ ԱԺ
Ժամը 10:00-ին ՀՀ ԱԺ-ում տեղի կունենա Ազգային ժողովի հերթական քառօրյա նիստը:
Պետական կառույցներ
Ժամը 11:00-ին «Արմենպրես» լրատվական գործակալության մամուլի սրահում (Սարյան 22) տեղի կունենա ՆԳՆ քրեական ոստիկանության գլխավոր վարչության կիբերհանցագործությունների դեմ պայքարի բաժնի պետ Հայկ Մկրտչյանի ասուլիսը։ Թեմա. կիբերհանցագործությունների դրսևորումները սոցիալական ցանցերում. առկա միտումներն ու կանխարգելիչ քայլերը։
Ժամը 12:00-ին «Դայմոնդ» ռեստորանի դիմաց (Փ.Բուզանդ 2, Աբովյան և Բուզանդ փողոցների խաչմերուկ) տեղի կունենա «Ճախրուկ» սոցիալական հացատուն հիմնելու մտադրության մասին հուշագրի ստորագրման արարողություն: Հացատանն աշխատելու են մասնագիտացված խնամքի կենտրոնների սաները և նրանց ընտանիքի անդամները: Հուշագիրը կստորագրվի «Իմ քայլը» հիմնադրամի, «Ճախրուկ» ՀԿ-ի, Երևանի քաղաքապետարանի, «Երեմյան Փրոջեքթս»-ի և «Դայմոնդ» ռեստորանի ներկայացուցիչների միջև:
Կուսակցություններ, ՀԿ-ներ, միջազգային կազմ-ներ
Ժամը 17:30-ին Մոսկվայի տանը (Արգիշտի 7) կկայանա «Իրավունք» թերթի 35-ամյակին նվիրված միջոցառում: Ներկա կլինեն դեսպաններ, քաղաքական, հասարակական, մշակութային գործիչներ, շոու բիզնեսի ներկայացուցիչներ եվ այլք։
Մամուլի ակումբներ
Ժամը 12:00-ին Մեդիա կենտրոնում տեղի կունենա քննարկում. «Բանտից՝ հասարակություն. վերասոցիալականացումն իրականություն դառնո՞ւմ է, թե՞ ոչ» թեմայով։ Բանախոսներ՝ «Սոցիալական արդարություն» ՀԿ ղեկավար, քրեական արդարադատության ոլորտի փորձագետ Արշակ Գասպարյան, «Իրավական նախաձեռնությունների կենտրոն» ՀԿ ղեկավար Նարե Հովհաննիսյան: