2 րոպեի ընթերցում
ԱՆՈՆՍ
21 հոկտեմբեր, 2024
ՀՀ ԱԺ
Ժամը 11:00-ին Ազգային ժողովի 334 սրահում նիստ կգումարի Արտաքին հարաբերությունների մշտական հանձնաժողովը:
Պետական կառույցներ
9:30-ին Երևանի քաղաքապետարանում տեղի կունենա գործակարգավարական խորհրդակցություն
ԲՈՒՀ-եր, կրթական հաստատություններ
Ժամը 09:30-ին ԵՊՀ գիտական խորհրդի նիստերի դահլիճում (կենտրոնական մասն., 5-րդ հարկ) տեղի կունենա «MMCP-2024» («Mathematical Modeling and Computational Physics-2024») գիտաժողովի բացման արարողությունը՝ նվիրված ակադեմիկոս Ալեքսեյ Սիսակյանի 80-ամյակին։ Մաթեմատիկական մոդելավորման և հաշվողական ֆիզիկայի ժամանակակից խնդիրների վերաբերյալ գիտաժողովն իրականացվում է ԵՊՀ-ի, Միջուկային հետազոտությունների միացյալ ինստիտուտի (ՄՀՄԻ, Դուբնա, ՌԴ), Ա.Ալիխանյանի անվան ազգային գիտական լաբորատորիայի (ԱԱԳԼ) և ՀՀ ԳԱԱ ինֆորմատիկայի և ավտոմատացման պրոբլեմների ինստիտուտի (ԻԱՊԻ) համագործակցության արդյունքում։ Միջոցառմանը կմասնակցեն գրեթե 150 գիտաշխատողներ, ինժեներներ, ասպիրանտներ և ուսանողներ աշխարհի տարբեր երկրներից: Հեռ․094 52 52 65, 060 71 01 03:
Մամուլի ակումբներ
Ժամը 12:00-ին Sputnik Արմենիա մուլտիմեդիոն մամուլի կենտրոնում կայանա ասուլիս. «Համեղ պատրաստելու արվեստի մասին. Ի՞նչ ճաշատեսակի համար կարելի է մեդալ ստանալ» թեմայով: Կրասնոդարի երկրամասում տեղի է ունեցել խոշոր միջազգային գաստրոնոմիական մրցաշար: Հայաստանի թիմը ութ խոհարարների կազմով զբաղեցրել Է երրորդ տեղը՝ նվաճելով 4 արծաթե և 8 բրոնզե մեդալ: Այն մասին, թե ինչպես են անցել մրցումները, ինչ ուտեստներ են պատրաստել մասնակիցները, ինչպես են որոշվել հաղթողները, կպատմեն մրցաշարի ժյուրիի անդամները Հայաստանից՝ հայտնի բրենդ-շեֆեր ու շեֆ-խոհարարներ Յուրիկ Սարգսյանը, Էդուարդ Սիմոնյանը, Գրիգոր Դանիելյանը։