Երևանում և մի շարք շրջաններում 2 օրվա ընթացքում կթափվի հոկտեմբեր ամսվա նորմայի 100-150 տոկոսի չափ տեղում
1 րոպեի ընթերցում
ԵՐԵՎԱՆ, 16 ՀՈԿՏԵՄԲԵՐԻ, ԱՐՄԵՆՊՐԵՍ։ Հայաստանի Հանրապետության մի շարք շրջաններում, այդ թվում նաև Երևանում, առաջիկա երկու օրը կթափվի հոկտեմբեր ամսվա նորմայի 100-150 տոկոսի չափ տեղում։ «Արմենպրես»-ի փոխանցմամբ՝ այս մասին նշված է «Հիդրոօդերևութաբանության և մոնիթորինգի կենտրոն»-ի տարածած հաղորդագրության մեջ:
«Արևմուտքից ակտիվ ցիկլոնի ներթափանցմամբ պայմանավորված, հոկտեմբերի 16-ի ուշ երեկոյան և 17-ին, 17-ի լույս 18-ի գիշերը հանրապետության շրջանների մեծ մասում սպասվում են հորդառատ անձրևներ և ամպրոպ։
Նշված ժամանակահատվածում հանրապետության մի շարք շրջաններում, հատկապես կենտրոնական գոտում, այդ թվում նաև Երևանում կթափվի հոկտեմբեր ամսվա նորմայի 100-150 տոկոսի չափ տեղում»,- ասված է հաղորդագրության մեջ: