ՌԴ ԱԳՆ-ն բողոք է հայտնել Ճապոնիայի դեսպանատանը՝ Ռուսաստանի սահմանների մոտ անցկացվող զորավարժությունների կապակցությամբ
1 րոպեի ընթերցում
ԵՐԵՎԱՆ, 11 ՀՈԿՏԵՄԲԵՐԻ, ԱՐՄԵՆՊՐԵՍ։ ՌԴ ԱԳՆ-ն բողոք է հայտնել Ճապոնիայի դեսպանատանը՝ ԱՄՆ-ի հետ զորավարժությունների կապակցությամբ, որոնք անցկացվում են ՌԴ-ի սահմանների հարևանությամբ։ Ինչպես տեղեկացնում է «Արմենպրես»-ը ՝վկայակոչելով «Lenta.ru»-ն, այդ մասին նշված է ՌԴ ԱԳՆ կայքում հրապարակված հաղորդագրության մեջ։
«Հոկտեմբերի 11-ին ՌԴ-ում Ճապոնիայի դեսպանատանն ուղղված խիստ բողոք է հնչել՝ ԱՄՆ-ի հետ համատեղ զորավարժություններ անցկացնելու առթիվ այն տարածքներում, որոնք գտնվում են Ռուսաստանի Դաշնության սահմանների հարևանությամբ»,- նշված է հաղորդագրության մեջ։
Նաև ընդգծվում է, որ անընդունելի է ՆԱՏՕ-ի անդամ երկրների հետ զորավարժություններ անցկացնելու և տարածաշրջանում իր ռազմական ներկայությունն ավելացնելու Տոկիոյի պրակտիկան։