ՀՀ էկոնոմիկայի նախարարը Ֆրանսիայում կմասնակցի Խաղողագործության և գինեգործության 45-րդ համաշխարհային համաժողովին
1 րոպեի ընթերցում
ԵՐԵՎԱՆ, 11 ՀՈԿՏԵՄԲԵՐԻ, ԱՐՄԵՆՊՐԵՍ։ Հայաստանի էկոնոմիկայի նախարար Գևորգ Պապոյանը Ֆրանսիայի Դիժոն քաղաքում մասնակցելու է Խաղողագործության և գինեգործության միջազգային կազմակերպության հարյուրամյակին նվիրված միջոցառմանը և Խաղողագործության և գինեգործության 45-րդ համաշխարհային համաժողովին։ «Արմենպրես»-ի փոխանցմամբ՝ այս մասին հաղորդագրություն է տարածել ՀՀ էկոնոմիկայի նախարարությունը։
«ՀՀ էկոնոմիկայի նախարար Գևորգ Պապոյանը և նախարարի տեղակալ Արման Խոջոյանը հոկտեմբերի 11-ին մեկնել են Ֆրանսիայի Հանրապետության Դիժոն քաղաք՝ Խաղողագործության և գինեգործության միջազգային կազմակերպության հարյուրամյակին նվիրված միջոցառմանը և Խաղողագործության և գինեգործության 45-րդ համաշխարհային համաժողովին մասնակցելու նպատակով»,- նշված է հաղորդագրության մեջ։