Միանալով Միջազգային քրեական դատարանին՝ Հայաստանը ձեռք է բերել պաշտպանության նոր համակարգ. Օկամպո
1 րոպեի ընթերցում
ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ։ Ադրբեջանի նախագահ Իլհամ Ալիևը գիտակցում է, որ հարձակվելով Հայաստանի դեմ՝ կարող է արժանանալ Միջազգային Քրեական դատարանի մեղադրանքին։
«Արմենպրես»-ի հաղորդմամբ՝ Միջազգային քրեական դատարանի նախկին գլխավոր դատախազ Լուիս Մորենո Օկամպոն այս մասին շեշտեց մամուլի ասուլիսի ընթացքում՝ անդրադառնալով հարցին, թե ի՞նչ կարող է անել այս պարագայում միջազգային իրավունքը և միջազգային հանրությունը։
«Միանալով Միջազգային քրեական դատարանին՝ Հայաստանը ձեռք է բերել պաշտպանության նոր համակարգ, և մենք կցանկանայինք հասկանալ, թե ինչպե՞ս ենք այն օգտագործելու՝ պաշտպանելու համար Լեռնային Ղարաբաղի բնակչության վերադարձի իրավունքները», - իր խոսքում ընդգծեց Մորենո Օկամպոն։