5 րոպեի ընթերցում
ԱՆՈՆՍ
05 սեպտեմբեր, 2024
ՀՀ ԱԺ
Ժամը 12:00-ին Ազգային ժողովի 214 սրահում կգումարվի Եվրոպական ինտեգրման հարցերի մշտական հանձնաժողովի նիստ:
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Պետական կառույցներ
Ժամը 13:00-ին «Արմենպրես» լրատվական գործակալության մամուլի սրահում (Սարյան 22) տեղի կունենա «Yerevan Music Week»-ի հիմնադիր տնօրեն Հասմիկ Մովսիսյանի, երաժիշտ Միքայել Ոսկանյանի, Բրիտանական խորհրդի hայաստանյան մասնաճյուղի տնօրեն Ադդէ Հովասափյանի, «Մտավոր սեփականության իրավունքի հայ իրավաբանների ասոցիացիա»-ի նախագահ Անի Դավթյանի ասուլիսը։ Թեմա. առաջին անգամ կանցկացվի «Yerevan Music Week» փառատոն-կոնֆերանսը։
Ժամը 14:00-ին «Արմենպրես» լրատվական գործակալության մամուլի սրահում (Սարյան 22) տեղի կունենա ՀՀ էկոնոմիկայի նախարարության զբոսաշրջության կոմիտեի մամուլի խոսնակ Անահիտ Բաղդասարյանի, «Արվեստների և արհեստների փառատոն»-ի կազմակերպիչ Մարիա Մինասյանի ասուլիսը։ Թեմա․ Դիլիջանում սեպտեմբերի 7-ին կանցկացվի «Արվեստների և արհեստների փառատոն»-ը։
Մշակույթ
Ժամը 10:00-ին «Էպիգրաֆ» գրախանութում /Մաշտոցի 43/ տեղի կունենա մամուլի ասուլիս՝ Արամ Խաչատրյան համերգասրահում սեպտեմբերի 11-ին, ժամը 19:00-ին «Vivaldi DJ» խորագրով համերգին ընդառաջ: Ասուլիսի բանախոսներ՝ «Նյու Ջեներեյշն Փրոջեքթ»-ի հիմնադիր և գործադիր տնօրեն Շմավոն Գրիգորյան, Նյու Ջեներեյշն նվագախմբի գեղ.ղեկավար Նարեկ Գասպարյան, Beatbox հայկական ասոցիացիայի ղեկավար Բագրատ Տերտերյան /DJ BeatMan/, կոմպոզիտոր, գործիքավորող, երգահան, դաշնակահար Արման Պեշտմալջյան, ջութակահար Էրիկ Մանուկյան: հեռ. +374 (55) 082500, հեռ.+ 374 (95)344304:
Ժամը 14:00-ին Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնը 92-րդ թատերաշրջանի շրջանակում մեծ պատվով հյուրընկալել է համաշխարհային օպերային երգչուհի, սոպրանո Մարիա Գուլեգինա Մեյթարջյանին, ով սեպտեմբերի 7-ին եւ 11-ին երեւանյան հանդիասատեսին կներկայանա հոբելյանական հրաշալի ներկայացմամբ եւ գալա համերգով։ Մարիա Գուլեգինան համագործակցել է աշխարհի մեծագույն երգիչների եւ դիրիժորների հետ, որոնց թվում են Լուչանո Պավարոտին, Պլասիդո Դոմինգոն, Լեո Նուչին, Ռենատո Բրյուսոնը, Վալերի Գերգիեւը եւ այլք: Ասուլիսը նվիրված կլինի սիրելի երգչուհու ստեղծագործական հարուստ կյանքին, ինչպես նաեւ առաջին անգամ Հայաստանում անցկացվող՝ «Մարիա Գուլեգինայի անվան վոկալի միջազգային մրցույթի» մեկնարկին։
Ժամը 18:00-ին Երևանի ժամանակակից արվեստի թանգարանում կկայանա ժամանակակից գեղանկարիչ Ախսար Մուրիևի «MANIFIQUE VOYAGE, ou l'HISTOIRE D'UN HOMME» (ֆրանսերենից թարգմանված՝ «Հոյակապ ճանապարհորդություն, կամ մի մարդու պատմություն» խորագիրը կրող անհատական ցուցահանդեսի բացումը:
Ժամը 19:00-ին Կոմիտասի անվան կամերային երաժշտության տանը տեղի կունենա «20-ամյա վերելք» խորագրով ցուցահանդես և համերգ՝ նվիրված «Նարեկացի» արվեստի միության (ՆԱՄ) 20-ամյա գործունեությանը: Միջոցառումը աղոթքով կմեկնարկի Արարատյան Հայրապետական թեմի հոգևորական Տեր Շահե քահանա Հայրապետյանը: Ցուցահանդեսի շրջանակում կներկայացվեն հայ նշանավոր գեղանկարիչներ և քանդակագործներ Արտո Չաքմաքչյանի, Հակոբ Հակոբյանի, Ռոբերտ Էլիբեկյանի, Տիգրան Մատուլյանի, Արմեն Խոջոյանի, Ռոբերտ Ասկարյանի և Սամվել Թավադյանի աշխատանքները: Կցուցադրվեն նաև «Նարեկացի» արվեստի միության հիմնադիր Նարեկ Յարութիւնեանի լուսանկարչական աշխատանքները: Համերգային ծրագրի ավարտին կհնչի Սմբատ Խալաթյանի «Ձոն» ստեղծագործությունը՝ նվիրված «Նարեկացի» արվեստի միության 20-ամյակին: