Իսլանդիայում 5 մագնիտուդ ուժգնությամբ երկրաշարժ է գրանցվել

ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ։ Իսլանդիայում 5 մագնիտուդ ուժգնությամբ երկրաշարժ է գրանցվել։

«Արմենպրես»-ի հաղորդմամբ՝ այս մասին հայտնել է Եվրոպական-միջերկրածովյան սեյսմոլոգիական կենտրոնը։

Վերջինիս տվյալների համաձայն՝ երկրաշարժի էպիկենտրոնը գտնվել է 8 կմ խորության վրա՝ Իսլանդիայի մայրաքաղաք Ռեյկյավիկից 223 կմ հյուսիս-արևելք։  

Հաղորդվում է, որ զոհերի և ավերածությունների մասին տեղեկություններ չկան։