Ավելի մոտ կենդանիներին. «Կենդանիների խնամքի կենտրոն»-ի նոր ծրագիրը
1 րոպեի ընթերցում
![Ավելի մոտ կենդանիներին. «Կենդանիների խնամքի կենտրոն»-ի նոր ծրագիրը](http://armenpress.am/resized/480/storage/images/articles/2024/08/31/CeHPGwPHbCuqutXGH7Qi7ZRnWgS13pm7H4p146A3.webp)
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ։ Երևանի քաղաքապետարանի «Կենդանիների խնամքի կենտրոն» ՀՈԱԿ-ի նախաձեռնությամբ կենդանասեր երեխաներն այցելել են անտուն շներին, ծանոթացել նրանց խնամքին, սովորել վերջիններիս հետ վարվելու կանոնները: Այդ մասին տեղեկացնում է «Արմենպրես»-ը՝ վկայակոչելով Երևանի քաղաքապետարանի աշխատակազմի լրատվության վարչության տարածած հաղորդագրությունը։
Կենտրոն այցելած երեխաները կերակրել են կենդանիներին, խաղացել նրանց հետ, պատրաստակամություն հայտնել ապաստան գտնելու որոշ շների համար:
«Այսպիսի միջոցառումներին մասնակցողները դառնում են մեր թիմի անդամը և իրենց ներդրումն են ունենում անտուն կենդանիներին ընտանիքով ապահովելու գործում»,-նշել է «Կենդանիների խնամքի կենտրոն» ՀՈԱԿ-ի տնօրեն Հարություն Առաքելյանը: