3 րոպեի ընթերցում
ԱՆՈՆՍ
22 օգոստոս, 2024
ՀՀ կառավարություն
Ժամը 11։00-ին տեղի կունենա ՀՀ կառավարության նիստը։
Պետական կառույցներ
Ժամը 12։00-ին «Արմենպրես» լրատվական գործակալության մամուլի սրահում (Սարյան 22) տեղի կունենա «Երազ» մատենաշարի ղեկավար Գոհար Մանուկյանի, Գրական ծրագրերի ղեկավար Անի Հակոբյանի և Հայաստանի պետական սիմֆոնիկ նվագախմբի մարքեթինգի և հաղորդակցության բաժնի ղեկավար Լիլիթ Հարությունյանի ասուլիսը։
ԹԵՄԱ․- Երևանում կանցկացվի «Դեպի դպրոց»՝ / BACK TO SCHOOL ամենամյա մանկական գրքի փառատոնը. սպասվող միջոցառումներն ու առաջիկա ծրագրերը։
Հրավիրում ենք լուսաբանման
Մամուլի ակումբներ
ժամը 12:00-ին Մեդիա կենտրոնում տեղի կունենա քննարկում՝ «Պրոբացիայի դերը վերասոցիալականացման և հանցագործությունների կանխարգելման գործում․ նոր նախագիծ» թեմայով։
Բանախոսներ՝
Տաթևիկ Հայրապետյան՝ ՀՀ արդարադատության նախարարության Քրեակատարողական և պրոբացիայի ոլորտի քաղաքականության մշակման և ներման հարցերով բաժնի գլխավոր մասնագետ
Անահիտ Մկրտչյան՝ «Իրավունքների պաշտպանություն առանց սահմանների» ՀԿ իրավաբան, հետազոտող
Նարե Հովհաննիսյան՝ «Իրավական նախաձեռնությունների կենտրոն» ՀԿ-ի նախագահ
ՀՀ արդարադատության նախարարությունը հանրային քննարկման է ներկայացրել «Պրոբացիայի մասին» նոր օրենքի նախագիծը, «Հայաստանի Հանրապետության քրեական դատավարության օրենսգրքում փոփոխություն կատարելու մասին», «Հայաստանի Հանրապետության քրեակատարողական օրենսգրքում փոփոխություններ և լրացումներ կատարելու մասին» օրենքների նախագծերը։
Նպատակն է վերացնել օրենսդրական կարգավորումներում առկա բացերն ու անհամապատասխանությունները և կատարելագործել կիրառվող պրակտիկան:
Մշակույթ
Ժամը 18։00-ին Արարատյան Հայրապետական թեմի Առաջնորդարանում (Հասցեն` Ռ. Իսրայելյան 21, Սուրբ Սարգիս եկեղեցու հարևանությամբ) կկայանա խմբավար, երաժշտագետ Գրիգոր Հարությունյանի 3 գրքերի շնորհանդեսը։ Երեկոյի ընթացքում կհնչեն նաև իր մշակումները ձայնի, դաշնամուրի և երգչախմբի համար։
Հեռախոս` 091-94-54-61