2 րոպեի ընթերցում
ԱՆՈՆՍ
21 օգոստոս, 2024
ՀՀ նախարարություններ
Ժամը 11:00-ին Առողջապահության նախարարությունում տեղի կունենա մամուլի ասուլիս՝ վարակիչ հիվանդությունների (կարմրուկ, Արևմտյան Նեղոսի տենդ, Կապիկի ծաղիկ, կապույտ հազ, COVID-19, գրիպ, ՍՇՎ) և Հայաստանում ընդհանուր համաճարակային իրավիճակի վերաբերյալ:
Առողջապահության նախարարության Հիվանդությունների վերահսկման և կանխարգելման ազգային կենտրոնի (ՀՎԿԱԿ) գլխավոր տնօրեն Ստեփան Աթոյանը կանդրադառնա`
վարակիչ հիվանդություններով պայմանավորված համաճարակային իրավիճակին,
ուսումնական տարվան ընդառաջ կանխարգելիչ աշխատանքներին,
կպատասխանի լրագրողների հարցերին:
Հասցե` Կառավարական տուն 3, առողջապահության նախարարության կոլեգիայի մեծ դահլիճ:
Խնդրում ենք ունենալ անձը հաստատող փաստաթուղթ կամ բեյջ` անցակետում ներկայացնելու համար:
Մամուլի ակումբներ
Ժամը 12.00-ին Sputnik Արմենիա մուլտիմեդիոն մամուլի կենտրոնում լողորդ Վիտալի Կոչնևը և «Ռուսաստանի ռեկորդների գրքի» գլխավոր խմբագիր Ալեքսեյ Սվիստունովը կպատմեն, թե ինչպես է մարզիկը պատրաստվելու բացառիկ էքստրեմալ ռեկորդ սահմանելուն, և ինչպես են գրանցվում Գինեսի ռեկորդներն ամբողջ աշխարհում:
Սահմանափակ ֆիզիկական հնարավորություններով մարզիկ Վիտալի Կոչնևը 2025 թվականին պատրաստվում է Գինեսի համաշխարհային ռեկորդ սահմանել՝ միայն ձեռքերի օգնությամբ Անտարկտիդայում մեկ կիլոմետր լողալով սառցե ջրի մեջ (զրոյից ցածր ջերմաստիճանի պայմաններում)։
Գինեսի ապագա ռեկորդակիրը «Անտարկտիդան սկսվում է Սևանից» կարգախոսի ներքո մեկ շաբաթով ժամանել է Հայաստան՝ մարզվելու Սևանա լճի սառը ջրերում։