Մոլորակի բնակիչներն ականատես են եղել Գերլուսնի հազվագյուտ երևույթին
1 րոպեի ընթերցում
![Photograph: Thilo Schmülgen/Reuters](http://armenpress.am/resized/480/storage/images/articles/2024/08/20/VBDymyGUAqo97cvbn9XsHFzwiRA94ACyaz3FUrEL.webp)
ԵՐԵՎԱՆ, 20 ՕԳՈՍՏՈՍԻ, ԱՐՄԵՆՊՐԵՍ։ Մոլորակի բնակիչները գիշերը վայելել են հազվագյուտ Գերլուսնի կամ Կապույտ լուսնի տեսարանը, որն այս տարի սպասվող չորս նման աստղագիտական ինքնատիպ իրադարձություններից առաջինն է։
«Արմենպրես»-ի փոխանցմամբ՝ BBC-ն նշում է, որ որոշ վայրերում լուսինը կարմիր կամ դեղին գույնով է երևացել, ինչը պայմանավորված է եղել Հյուսիսային Ամերիկայում մոլեգնող անտառային հրդեհներով. ծխի մասնիկների առկայության պատճառով մթնոլորտով անցնող լույսն այնպես է ցրվել, որ սպեկտրի նարնջագույն և կարմիր գույները սովորականից ավելի տեսանելի են եղել։
Կապույտ լուսինը հազվագյուտ երևույթ է։ Առաջիկա լիալուսինները՝ սեպտեմբերին, հոկտեմբերին և նոյեմբերին, նույնպես Գերլուսիններ են լինելու։
Ստորև ներկայացնում ենք The Guardian և CBS News պարբերականներում տեղ գտած՝ Գերլուսնի ամենաուշագրավ լուսանկարները՝ արված աշխարհի տարբեր ծայրերում։