Գիտություն

Տիեզերական հազվագյուտ երևույթը տեսանելի կլինի նաև Հայաստանից

2 րոպեի ընթերցում

Reuters
Reuters

ԵՐԵՎԱՆ, 19 ՕԳՈՍՏՈՍԻ, ԱՐՄԵՆՊՐԵՍ։ Օգոստոսի 19-ի գիշերը սպասվող աստղագիտական ​​ինքնատիպ իրադարձությանը՝ այսպես կոչված Գերլուսնի և Կապույտ լուսնի համադրությանը հնարավոր կլինի հետևել նաև Հայաստանի տարածքից: «Արմենպրես»-ի հաղորդմամբ՝ այս մասին հայտնում են Բյուրականի աստղադիտարանից։

Երևույթը տեսանելի կլինի Երևանի ժամանակով 22:26-ից։

Օգոստոսի 19-ին կսկսվի Երկրի բնական արբանյակի՝ էներգետիկ առումով ամենահզոր փուլերից մեկը՝ լիալուսինը։ 

Երկրագնդի և Լուսնի միջև միջին տարածությունը 384 400 կիլոմետր է, սակայն տարվա ընթացքում այն պարբերաբար փոխվում է: Լիալուսնի այն երևույթը, երբ Լուսինն առավել մոտ է երկրագնդին կոչվում է Գերլուսին: Այդ ժամանակ մեր մոլորակի լուսատու արբանյակը մոտ 7% մեծ և 16% վառ տեսք ունի: Գիտնականների հաշվարկներով՝ Գերլուսին երևույթը տեղի է ունենում մոտավորապես 3-4 տարին մեկ: Ընդ որում՝ այդպիսին է բոլոր լիալուսնիների գրեթե 25 տոկոսը: 2024 թվականին սպասվում է չորս Գերլուսին, որից առաջինը հենց օգոստոսի 19-ին է:

«Կապույտ լուսին»-ը իրականում լրացուցիչ լիալուսին է, որը տեղի է ունենում 2.5-3 տարին մեկ: Այդպիսին է լիալուսինների մոտ 3 տոկոսը:

Գերլուսնի և Կապույտ լուսնի համադրություն գրանցվում է մոտավորապես 10 տարվա պարբերականությամբ: Հաջորդ անգամ դա տեղի է ունենալու 2037 թվականի հունվարին և մարտին։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում