3 րոպեի ընթերցում
ԱՆՈՆՍ
14 օգոստոս, 2024
ՀՀ նախարարություններ
Ներքին գործերի նախարարությունը զանգվածային լրատվամիջոցների ներկայացուցիչների համար կազմակերպում է այց «Սեյսմիկ պաշտպանության տարածքային ծառայություն» ՊՈԱԿ, որտեղ տեղի է ունենալու ծառայության տնօրեն Սոս Մարգարյանի ասուլիսը։
ԶԼՄ ներկայացուցիչները հնարավորություն կունենան նաև շրջել Սեյսմիկ պաշտպանության տարածքային ծառայությունում, ծանոթանալ և լուսաբանել գործունեությունը։
Պետական կառույցներ
ժամը 16։00-ին Հայաստանի պատմության թանգարանում տեղի կունենա «Հայաստանը հնագույն քարտեզներում» խորագրով մշտական ցուցադրության վերաբացումը։ Ցուցահանդեսում ներկայացված են պատմական քարտեզներ, որոնցում հիշատակված է Հայաստանը: Ներկայացված են նաև տարբեր ժամանակաշրջաններում և տարբեր վայրերում պատրաստված 15 քարտեզի թվային լուսապատճեններ: Դրանցից ամենահինը բաբելոնյան կավե սալիկն է (Ք.ա. 6-րդ դար), իսկ քարտեզների թվագրումը հասնում է մինչև 20-րդ դար:
Բացմանը կհաջորդի աշխարհագրագետ և քարտեզագետ-քարտեզաբան Ռուբեն Գալչյանի բանախոսությունը՝ «Քարտեզը և պատմությունը» վերնագրով։ Բանախոսության ընթացքում հեղինակը կանդրադառնա հայկական պատմական քարտեզագրությանը, ինչպես նաև կներկայացնի Հայաստանի տեղագրումը հնագույն քարտեզներում։
Մամուլի ակումբներ
ժամը 12.00-ին Sputnik Արմենիա մուլտիմեդիոն մամուլի կենտրոնում տեղի կունենա 11 համաշխարհային ռեկորդ սահմանած Միլեն Կայյե-Կարանյանի մամուլի ասուլիսը։
Միլեն Կայյե-Կարանյանը ճանաչվել է պատմության մեջ առաջինը, որը ձայնի 11 օկտավա դիապազոն ունի։ Միլենը ճանաչվել է նաև աշխարհում ամենահզոր ձայնն ունեցող երգչուհին (170 դեցիբել հզորությամբ) և 17-ից մինչև 21000 հերց հաճախականության միջակայքով՝ ներառելով 11 օկտավա։
Բազմաթիվ ելույթներ է ունեցել հայտնի նվագախմբերի հետ։ Գրանցվել է ռեկորդների գրքերում՝ Գինես, Ինտերռեկորդ, Դյուցազնագիրք։ Երգում է գրեթե բոլոր ժանրերում։ Ամերիկյան «Tunecore» կազմակերպությունը նրա ալբոմն այժմ թողարկում է գրեթե բոլոր թվային հարթակներում։
Ասուլիսը կհեռարձակվի նաև VK-ում և Rutube-ում:
Հարցերը կարող եք ուղարկել նաև v.aloyan@sputniknews.com էլեկտրոնային հասցեին, ինչպես նաև կարող եք գրել @Vardan_Aloyan Telegram ալիքով: Հեռ.` +374(98)180-626, +374(91) 42-12-35։
Հասցե՝ ք. Երևան, Ամիրյան 4/7, «Իմպերիում պլազա» բիզնես-կենտրոնի շենք, 4-րդ հարկ։