3 րոպեի ընթերցում
ԱՆՈՆՍ
01 օգոստոս, 2024
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Կուսակցություններ, ՀԿ-ներ, միջազգային կազմ-ներ
Ժամը 09:30-ից «Հոլիդեյ Ինն» հյուրանոցի «Երևան» դահլիճում (Ամիրյան 2, Հանրապետության հրապարակ) Թրանսփարենսի ինթերնեշնլ հակակոռուպցիոն կենտրոնը (ԹԻՀԿ) հրավիրում է լուսաբանելու «Քաղաքային պլանավորման երևանյան մարտահրավերները» թեմայով ֆորում-քննարկումը: Ֆորումի ընթացքում կքննարկվեն Երևանի կառուցապատման մարտահրավերները, խնդիրները, պատճառներն ու հնարավոր լուծումները, որոնք կներկայացվեն Երևանի գլխավոր հատակագծի մշակման փորձագիտական խմբին։ Ֆորումին հրավիրված են Երևանի քաղաքապետարանի, նշված ոլորտներին առնչվող պետական և համայնքային կառույցների, հասարակական միավորումների, փորձագիտական հանրույթի, միջազգային կազմակերպությունների և զանգվածային լրատվամիջոցների ներկայացուցիչներ:
Ժամը 15:00-ին «Անի Պլազա» հյուրանոցի «Նաիրի» սրահում (Սայաթ-Նովայի պող., 19) «Միասին» այլընտրանքային հասարակական-քաղաքական շարժումը հրավիրում է կլոր սեղան՝ «Տիգրանաշենը չի հանձնվելու թշնամուն. հայ գերիներին վերադարձնելու ենք Հայաստան» խորագրով, որի նպատակը հայ հանրության լայն շրջանակներում ՀՀ ինքնիշխան տարածքների պաշտպանության և մեր քաղաքական պատանդների ազատագրմանն ուղղված գործողությունների զարթոնքն ու համախմբումն է։ Հիմնական զեկուցողներ՝ Առուշան Հակոբյան և Սիրանուշ Սահակյան։ «Միասին» այլընտրանքային հասարակական-քաղաքական շարժման համակարգող խորհուրդ, հեռ. 010 52-52-73:
Մշակույթ
Ժամը 19:00-ին Հայաստանի նկարիչների միությունում․/Աբովյան 16/ կկայանա Ռուբեն Կոստանդյանի (Ուբակ) «Երկխոսություն գույներով» խորագրով անհատական ցուցահանդեսի բացումը։ Ռուբեն Կոստանյանը ծնվել է 1958 թվականին Կապան քաղաքում։ Ռուբեն Կոստանդյանի արվեստի գործերի զգալի մասը գտնվում է մասնավոր հավաքածուներում, որոնք պահվում են ԱՄՆ-ում, Կանադայում, Գերմանիայում, Ֆրանսիայում, Լեհաստանում, Լիբիայում, Բելգիայում, Ռուսաստանում և Հայաստանում։