3 րոպեի ընթերցում
ԱՆՈՆՍ
31 հուլիս, 2024
Պետական կառույցներ
Ժամը 10:15-ին Հեռուստատեսության եւ ռադիոյի հանձնաժողովի /ՀՌՀ/ լսումների դահլիճում /Իսահակյան 28/ Լիբերալ քաղաքականության ինստիտուտը Հեռուստատեսության եւ ռադիոյի հանձնաժողովի հետ համատեղ կազմակերպում է հանրային քննարկում՝ տեսալսողական մեդիայի կարգավորումների մասին: Քննարկումն իրականացվում է «Խթանել թափանցիկ եւ վստահելի մեդիայի զարգացումը Հայաստանում» ծրագրի շրջանակներում: Քննարկման եւ հետազոտության արդյունքում մշակվելու եւ քննարկման է դրվելու օրենսդրական բարեփոխումների փաթեթ: Հանդիպման շրջանակներում կքննարկվի նաեւ ՀՀ-ԵՄ Համապարփակ եւ ընդլայնված գործընկերության համաձայնագրի շրջանակներում կատարվելիք բարեփոխումները մեդիա դաշտում: 043 300820:
Ժամը 12:00-ին «Արմենպրես» լրատվական գործակալության մամուլի սրահում (Սարյան 22) տեղի կունենա Երևանի քաղաքապետարանի բնապահպանության վարչության պետի տեղակալ Գորիկ Ավետիսյանի, Երևանի քաղաքապետարանի քաղաքաշինության և հողի վերահսկողության վարչության պետի տեղակալ Ռուբեն Խոջոյանի ասուլիսը։ Թեմա․ օդի աղտոտվածություն, Երևանի շինհրապարակներում վերահսկողության գործընթաց։
Ժամը 14:30-ին ՔՈԱՖ ՍՄԱՐԹ կենտրոնում ծրագրի շրջանակում տեղի կունենա պանելային քննարկում: Լոռու մարզի Դեբետ համայնքում գտնվող ՔՈԱՖ ՍՄԱՐԹ կենտրոնում հուլիսի 29-ից օգոստոսի 4-ը ՀՀ ԿԳՄՍ նախարարությունը Վրաստանի Հանրապետության կրթության, գիտության և երիտասարդության նախարարության հետ համատեղ իրականացնում է ամառային կրթամշակութային-երիտասարդական միջազգային ծրագիր՝ ՀՀ և Վրաստանի 60 երիտասարդների մասնակցությամբ: Քննարկմանը կմասնակցեն ՀՀ ԿԳՄՍ նախարարի տեղակալ Արթուր Մարտիրոսյանը և Վրաստանի ԿԳԵ նախարարի տեղակալ Տարիել Գուգավան, Լոռու մարզպետ Արամ Ղազարյանը, Վրաստանում Հայաստանի դեսպան Աշոտ Սմբատյանը և Հայաստանում Վրաստանի դեսպան Գեորգի Շարվաշիձեն, երկու երկրներից երիտասարդական ՀԿ-ների ներկայացուցիչներ, երիտասարդներ: ՀՀ ԿԳՄՍՆ: Լալա Բադոյան, 077626454:
Մամուլի ակումբներ
Ժամը 12:00-ին Sputnik Արմենիա մուլտիմեդիոն մամուլի կենտրոնում տեղի կունենա Երևանի ավագանու «Ազգային առաջընթաց» խմբակցության անդամ, «Կանաչապատում և շրջակա միջավայրի պահպանություն» ՊՈԱԿ-ի տնօրենի նախկին տեղակալ, ԵՊԲՀ հիգիենայի և էկոլոգիայի ամբիոնի դոցենտ Քրիստինա Վարդանյանի ասուլիսը։ Թեման՝ «Երևանի կանաչապատման խնդիրները. միֆեր և իրականություն»։
Մշակույթ
Ժամը 18:30-ին Հայաստանի ազգային պատկերասրահում (Արամի 1) կկայանա «Նոր մատերիա. Սերգեյ Ջավադյանի հայկական վերացականության հավաքածուն» ցուցահանդեսի բացումը։ ՀԱՊ մամուլի քարտուղար Միլենա Քիրամիջյան, +374 94 730 350։