Իսրայելի արտգործնախարարը Էրդողանին սպառնացել է Սադդամ Հուսեյնի ճակատագրով
1 րոպեի ընթերցում
![Իսրայելի արտգործնախարարը Էրդողանին սպառնացել է Սադդամ Հուսեյնի ճակատագրով](http://armenpress.am/resized/480/storage/images/articles/2024/07/29/4EajlNirFuLt2vbcTIc7v4alf9EEkiljOyO6v2Oq.webp)
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ։ Իսրայելի արտգործնախարարն արձագանքել է Իսրայել ներխուժելու՝ Թուրքիայի նախագահ Ռեջեփ Թայիփ Էրդողանի սպառնալիքին՝ նրան համեմատելով Իրաքի նախկին ղեկավար Սադդամ Հուսեյնի հետ։ «Արմենպրես»-ի փոխանցմամբ՝ այս մասին Իսրայել Կացը գրել է X սոցիալական ցանցի իր էջում։
«Էրդողանը գնում է Սադդամ Հուսեյնի ճանապարհով և սպառնում է հարձակվել Իսրայելի վրա։ Նա պետք է հիշի, թե ինչ տեղի ունեցավ այնտեղ, և ինչպես ամեն ինչ ավարտվեց», - գրել է Կացը՝ գրառմանը կցելով Էրդողանի և Հուսեյնի լուսանկարները։
ארדואן הולך בדרכו של סדאם חוסיין ומאיים לתקוף את ישראל. רק שיזכור מה קרה שם ואיך זה הסתיים.@RTErdogan pic.twitter.com/6GykLtLoh4
— ישראל כ”ץ Israel Katz (@Israel_katz) July 28, 2024
Հուսեյնի վարչակարգը տապալվեց 2003 թվականին ԱՄՆ-ի գլխավորած կոալիցիայի կողմից Իրաք ներխուժման հետևանքով, որից հետո իրաքյան դատարանը նրան մահապատժի ենթարկեց։
Ավելի վաղ Թուրքիայի նախագահը սպառնացել էր մտնել Իսրայել։