4 րոպեի ընթերցում
ԱՆՈՆՍ
26 հուլիս, 2024
Պետական կառույցներ
Ժամը 11:00-ին «Արմենպրես» լրատվական գործակալության մամուլի սրահում (Սարյան 22) տեղի կունենա ՀՀ կադաստրի կոմիտեի ղեկավարի խորհրդական Արմեն Ալեքսանյանի ասուլիսը։ Թեմա․ Կադաստրի կոմիտեն ընդլայնում է էլեկտրոնային եղանակով փաստաթղթերի ընդունման շրջանակը։ Հերթական փոփոխությունն ուժի մեջ է մտել հուլիսի 24-ին։
Ժամը 12:00-ին «Արմենպրես» լրատվական գործակալության մամուլի սրահում (Սարյան 22) տեղի կունենա ՀՀ ԱՆ դեղորայքային քաղաքականության և բժշկական տեխնոլոգիաների վարչության պետ Մարինա Հարությունյանի, ԱՆ Հիվանդությունների վերահսկման և կանխարգելման ազգային կենտրոնի վարակիչ և ոչ վարակիչ հիվանդությունների համաճարակաբանության վարչության պետ Ռոմելլա Աբովյանի ասուլիսը։ Թեմա․ Հեպատիտի դեմ պայքարի համաշխարհային օրվան ընդառաջ․ կանխարգելիչ միջոցառումներն ու իրականացվող ծրագրերը։
Ժամը 15:30-ից «Ջիվան» ռեստորանի բացօթյա տարածքում /Ամիրյան 2/ կկայանա մրցանակաբաշխություն: «Կլիմայի փոփոխությունը և կանայք Հայաստանում» մրցանակաբաշխության ընտրական փուլը հաջողությամբ ավարտվել է։ Մրցանակաբաշխության ընթացքում յուրաքանչյուր անվանակարգում կհայտարարվի մեկ հաղթող մասնակից: Միջոցառումը կմեկնարկի հիմնական գործընկերների ողջույնի ուղերձներով, մասնավորապես Շրջակա միջավայրի նախարարության, Աշխատանքի և սոցիալական հարցերի նախարարության և ՄԱԿ-ի զարգացման ծրագրի: ՀՀ շրջակա միջավայրի նախարարություն:
Կուսակցություններ, ՀԿ-ներ, միջազգային կազմ-ներ
Ժամը 11:00-ին Գյումրու «Շիրազ» հյուրանոցի դահլիճում (Գյումրի, Վարպետաց 101) տեղի կունենա մամուլի ասուլիս՝ ծրագրի ձեռքբերումների և վերջնարդյունքների վերաբերյալ՝ Վանաձոր համայնքի ղեկավարի պաշտոնակատար Արկադի Փելեշյանի, Գյումրի համայնքի ղեկավար Վարդգես Սամսոնյանի, «Դաշինք՝ հանուն կայուն և կանաչ կառավարման» ծրագրի ղեկավար Նատալյա Լափաուրիի մասնակցությամբ։ Lրագրողների տեղափոխումը Գյումրի և հետադարձ, կկազմակերպվի «Դաշինք՝ հանուն կայուն և կանաչ կառավարման» ծրագրի կողմից։ +374 98029777:
ԲՈՒՀ-եր, կրթական հաստատություններ
Ժամը 16:00-ին Խաչատուր Աբովյանի անվան հայկական պետական մանկավարժական համալսարանում (Տիգրան Մեծի պող., 17 շենք) տեղի կունենա Սփյուռքում գործող հայկական ուսումնական հաստատություններում դասավանդող ուսուցիչների վերապատրաստման ծրագրի ամփոփումը: Միջոցառմանը ներկա կլինի ՀՀ ԿԳՄՍ նախարարի տեղակալ Արթուր Մարտիրոսյանը: Ծրագրի շրջանակում 60 սփյուռքահայ ուսուցիչներ 14 երկրներից մասնակցել են ԿԳՄՍ նախարարության կողմից իրականացվող վերապատրաստման մեկամսյա դասընթացներին՝ 7 ծրագրերով: Վերապատրաստված ուսուցիչները նախարարության կողմից կստանան վկայագրեր: ԿԳՄՍՆ
Մամուլի ակումբներ
Ժամը 12:00-ին Sputnik Արմենիա մուլտիմեդիոն մամուլի կենտրոնում կկայանա ասուլիս. «Որքանո՞վ են անվտանգ Հայաստանում վաճառվող մրգերն ու բանջարեղենը» թեմայով: Վերջերս հայկական պտուղ-բանջարեղենի մի մասի արտահանումը Ռուսաստան սահմանափակվել է. հայտնաբերվել են պեստիցիդների մնացորդային պարունակության առավելագույն թույլատրելի մակարդակը գերազանցելու դեպքեր։ Ի՞նչ մթերք ենք սպառում մենք, ու որքանո՞վ է այն անվտանգ առողջության համար, այս մասին կխոսի «Իրազեկ և պաշտպանված սպառող» ՀԿ նախագահ Բաբկեն Պիպոյանը։