2 րոպեի ընթերցում
ԱՆՈՆՍ
18 հուլիս, 2024
ՀՀ կառավարություն
Ժամը 11:00-ին Կառավարությունում տեղի կունենա ՀՀ կառավարության հերթական նիստը:
Կուսակցություններ, ՀԿ-ներ, միջազգային կազմ-ներ
Ժամը 13:00-ից «Օպերա Սուիթ» հյուրանոցի «Մոցարտ» սրահում (Ռաֆայել Լեմկինի 1, նրբ.1-3) կկայանա Էթիկական լրագրության ԵՄԱ մրցանակների հանձնման հանդիսավոր արարողությունը, որը տեղի կունենա Երեւանի մամուլի ակումբի ծննդյան 29-րդ տարեդարձի օրը՝ հուլիսի 18-ին։ Միջոցառումը կազմակերպվել է «Մեդիայի որակի եւ դիմակայունության նախաձեռնություն» ծրագրի շրջանակներում, որն իրականացնում է Մեդիա նախաձեռնությունների կենտրոնը՝ Երեւանի մամուլի ակումբի, Բազմակողմանի տեղեկատվության ինստիտուտի, «Միջազգային մեդիա աջակցություն» (IMS) կազմակերպության հետ համատեղ՝ ԵՄ ֆինանսավորմամբ։ Երեւանի մամուլի ակումբ
Ժամը 14:00-ին «Անի Գրանդ Հոթել» հյուրանոցում /Հանրապետության փողոց 65/ կկայանա մամուլի ասուլիս՝ նվիրված «ՕՐԴ» ՍՊԸ-ի կողմից ներկայացված ՀՀ Արարատի մարզի Կարմիրսարի կրային մերգելների հանքավայրի շահագործման աշխատանքների՝ շրջակա միջավայրի վրա ազդեցության գնահատման հաշվետվության վերաբերյալ 4-րդ հանրային քննարկումը, դրա և հանքավայրի հնարավոր շահագործման մասին մամուլում տեղ գտած հրապարակումներին։ «ՕՐԴ» ՍՊԸ տնօրեն Տիգրան Օրդուխանյան, 098 841068։
Մամուլի ակումբներ
Ժամը 12:00-ին Sputnik Արմենիա մուլտիմեդիոն մամուլի կենտրոնում տեղի կունենա Հարավկովկասյան երկաթուղու գլխավոր տնօրենի մամուլի ասուլիսը։ Ալեքսեյ Մելնիկովը կպատմի այն մասին, թե ինչպես է հաջողվել սեղմ ժամկետներում վերականգնել Լոռու և Տավուշի մարզում ջրհեղեղի հետևանքով ավերված երկաթուղային գծերը, կխոսի ամառային ուղևորափոխադրումների և ՀԿԵ-ի ընթացիկ տարվա խնդիրների մասին:
Մշակույթ
Ժամը 18:00-ին Հայաստանի նկարիչների միությունում տեղի կունենա գեղանկարիչ
Հաղթանակ Շահումյանի (Հաղթո) 80-ամյա հոբելյանին նվիրված ցուցահանդեսի
պաշտոնական բացման արարողությունը։