4 րոպեի ընթերցում
ԱՆՈՆՍ
08 հուլիս, 2024
ՀՀ նախարարություններ
Ժամը 16։00-ին «Բեսթ Վեսթերն Պլյուս Կոնգրես» հյուրանոցի «Ball Room» սրահում տեղի կունենա «Դիմակայունություն ի սկզբանե» ծրագրի շնորհանդեսը։ Ծրագիրը ֆինանսավորվել է Սերբիայի կառավարության կողմից և իրականացվելու է ՄԱԿ-ի Զարգացման ծրագրի (ՄԱԶԾ) կողմից՝ ՀՀ տարածքային կառավարման և ենթակառուցվածքների նախարարության հետ համագործակցությամբ։
Այս նախաձեռնությունը նպատակ ունի հասցեագրել Հայաստանում ընդունող համայնքների և փախստականների կարիքները, ներառյալ վերջերս աղետի հետևանքով տուժած համայնքները, և առաջարկել մի շարք երկարաժամկետ լուծումներ՝ աջակցելու հասարակության համախմբվածությանը, մասնավորապես` ներդրումներ կատարելով կանանց և երիտասարդների զորեղացման, տեղական մակարդակում ծառայությունների մատուցման նորարարական մոդելների և ջրային ու «կանաչ» էներգետիկ լուծումների մեջ:
Միջոցառման մասնակինցներին կողջունեն ՀՀ տարածքային կառավարման և ենթակառուցվածքների նախարար Գնել Սանոսյանը, Հայաստանում Սերբիայի դեսպան Տատյանա Պանայոտովիչ Ցվետկովիչը, և Հայաստանում ՄԱԶԾ մշտականներկայացուցիչ Նաթիա Նացվլիշվիլին։
Մշակույթ
«Ոսկե Ծիրան» կինոփառատոնի շրջանակներում
Ժամը 13:00-14:00-ն ՀԲԸՄ գրասենյակի 2-րդ հարկում տեղի կունենա պանելային քննարկում. «Տեղական ծրագրերի հարմարեցումը միջազգային լսարանի համար»՝ Մաջլինդա Տաֆայի, Հենրիկ Ունդերբերգի և Մելիք Կարապետյանի մասնակցությամբ:
Մոդերատոր՝ Օֆելիա Թովմասյան:
15:00-ին ՀԲԸՄ գրասենյակում տեղի կունենա հանդիպում ռեժիսոր Ատոմ Էգոյանի հետ։
16:30-ին Կինոյի տան մեծ դահլիճում տեղի կունենա «Թեզետա» ֆիլմի երևանյան պրեմիերա,համառեժիսորներ`Արամազդ Քալաջյան, Գարեգին Պապոյան:
19:00-ին Կինոյի տուն, Հ․ Մալյան թատրոնում տեղի կունենա «Տարածաշրջանային համայնապատկեր մրցույթի բացում». «Խաբոր»(ռեժ. Նաֆիս Ֆաթոլլահզադե) և «Դեպի անհայտ երկիր» (ռեժ. Մահդի Ֆլեյֆել)ֆիլմերի ցուցադրություն:
19:00-ին Կինոյի տան մեծ դահլիճում տեղի կունենա «Ես վրեժխնդիր կլինեմ աշխարհից սիրո միջոցով. Ս. Փարաջանով» ֆիլմի երևանյան պրեմիերան, ռեժ. Զառա Ջյան:
21:30-ին Կինոյի տան մեծ դահլիճում տեղի կունենա Ալեքսանդեր Փեյնի ֆիլմերի հետհայաց ցուցադրություն բացում, «Մնացածները» ֆիլմի երևանյան պրեմիերան: շ
22:00-ին Կինոյի տան Հ․ Մալյան թատրոնում տեղի կունենա «Ծուռ ծիրան» ծրագրի բացում. «Գազանը» ֆիլմի երևանյան պրեմիերան:
Ժամը 17։00-ին Հայաստանի նկարիչների միությունում Հայաստանի նկարիչների միությունը ՀՀ կրթության, գիտության, մշակույթի և սպորտի նախարարության բարձր հովանու ներքո իրականացվելու է «Արվեստն առանց սահմանների» արվեստի միջազգային սիմպոզիումը։ Ծրագրի շրջանակներում Հայաստանի նկարիչների միությունը հայ արվեստագետների հետ հյուրընկալելու են տարբեր երկրներից ժամանած անվանի ստեղծագործողների՝ Անգլիա, Լատվիա, Լիտվա, Իսրայել, Վրաստան, Ուկրաինա, Չինաստան, Շվեյցարիա: Նախագիծն անցկացվելու է Սևանա լճում գտնվող Հայաստանի նկարիչների միության «Նկարիչ» ստեղծագործական տանը։ Սիմպոզիումի ընթացքում տեղի կունեցան կլոր սեղաններ, քննարկումներ, դասախոսություններ, փորձի փոխանակում, ինչպես նաև յուրաքանչյուր երկրի ներկայացուցիչ կներկայացնի իրենց մշակութային կյանքն ու սովորույթները: Հայաստան եկող արվեստագետները կկերտեն իրենց պատկերացրած Հայաստանը, և իրենց հետ կտանեն որպես լավ հիշողություն։ Այս նախագծի նպատակն է ստեղծել միասնական և բարեկամական հարթակներ տարբեր երկրների արվեստագետների միջև։