Եվրո-2024. Իսպանիան հաղթեց Գերմանիային ու դուրս եկավ կիսաեզրափակիչ
1 րոպեի ընթերցում
![Եվրո-2024. Իսպանիան հաղթեց Գերմանիային ու դուրս եկավ կիսաեզրափակիչ](http://armenpress.am/resized/480/storage/images/articles/2024/07/05/oHLVJqKgy306GODZcIeUpFgptv6eHcRvsROZa6A1.webp)
ԵՐԵՎԱՆ, 5 ՀՈՒԼԻՍԻ, ԱՐՄԵՆՊՐԵՍ: Ֆուտբոլի Եվրոպայի առաջնության քառորդ եզրափակիչի շրջանակներում Իսպանիան մրցեց Գերմանիայի հետ:
«Արմենպրես»-ի հաղորդմամբ` Շտուտգարդում կայացած խաղի մեկնարկում թիմերն արագ գրոհներ էին կազմակերպում ու հստակ էին գործում պաշտպանությունում: Հանդիպման 8-րդ րոպեին Իպսնաիայի հավաքականի կազմում վնասվածքի պատճառով փոխարինվեց թիմի առաջատարներից Պեդրին: Գերմանիայի ընտրանին հիմնականում դիրքային գրոհներ էր կազմակերպում, իսկ իսպանացիները շեշտը դրել էին արագ հակագրոհների վրա:
Երկրորդ կեսի մեկնարկին` 51-րդ րոպեին, Իսպանիան իրացրեց իր պահը: Դիպուկ հարվածով աչքի ընկավ Օլմոն: Գերմանիային հաջողվեց հավասարեցնել հաշվի տարբերությունը հիմնական ժամանակի ավարտից մեկ րոպե առաջ: Գոլն իր ակտիվում գրանցեց Վիրցը: Հանդիպումը տեղափոխվեց լրացուցիչ ժամանակ, որտեղ վերջին վայրկյաններին Իսպանիայի հավաքականի համար հաղթական գոլի հեղինակ դարձավ Մերինոն:
Իսպանիա-Գերմանիա` 2:1
Կիսաեզրափակիչում Իսպանիան կխաղա Պորտուգալիա-Ֆրանսիա զույգի հաղթողի հետ: