Եվրո-2024. Անգլիան և Դանիան ոչ-ոքի ավարտեցին հանդիպումը
1 րոպեի ընթերցում
![Եվրո-2024. Անգլիան և Դանիան ոչ-ոքի ավարտեցին հանդիպումը](http://armenpress.am/resized/480/storage/images/articles/2024/06/20/G2QpgI2ROgD3bOu2eLAcGWzZ2JaQQdCmESo1pjzs.webp)
ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ: Ֆուտբոլի Եվրոպայի առաջնության երկրորդ տուրում (B խումբ) Անգլիան ուժերը չափեց Դանիայի հետ:
«Արմենպրես»-ի հաղորդմամբ` Ֆրանկֆուրտում կայացած խաղի մեկնարկային րոպեներին կառուցողական խաղ էին ցուցադրում դանիացիներն ու անգլիացիները` հստակ ու մաքուր գործելով պաշտպանական ու հարձակման գծում: Խաղի 17-րդ րոպեին մրցակցի տուգանային հրապարակում արագ կողմնորոշվեց Հարի Քեյնը և բացեց խաղի հաշիվը: Դանիան կարողացավ վերականգնել հաշվի հավասարությունը հեռահար դիպուկ հարվածի շնորհիվ: 34-րդ րոպեին աչքի ընկավ Հյուլմանդը:
Երկրորդ կեսում Դանիան առավել տպավորիչ էր գործում, Անգլիան առավել սուր էր գրոհում: Ի վերջո, թիմերը բավարարվեցին մեկական խփած գնդակով և հանդիպումն ավարտվեց ոչ-ոքի:
Դանիա-Անգլիա` 1:1:
Եվրոպայի առաջնության խմբային փուլի վերջին տուրում Սլովենիան կխաղա Անգլիայի, իսկ Սերբիան` Դանիա դեմ: Խաղերը կկայանան հունիսի 25-ին: