Արմեն Գրիգորյանն ու Էմանուել Բոնը քննարկել են Հայաստան-Ֆրանսիա հարաբերությունների զարգացման ընթացքը
1 րոպեի ընթերցում
ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ։ Հայաստանի Հանրապետության անվտանգության խորհրդի քարտուղար Արմեն Գրիգորյանը Ֆրանսիայի Հանրապետություն կատարած աշխատանքային այցի շրջանակներում հանդիպել է Ֆրանսիայի նախագահի դիվանագիտական խորհրդական Էմանուել Բոննի հետ:
«Արմենպրես»-ի փոխանցմամբ՝ ՀՀ ԱԽ քարտուղարը «Ֆեյսբուք» սոցիալական ցանցի իր էջում կատարած գրառման միջոցով տեղեկացրել է, որ հանդիպմանը քննարկել են Հայաստան-Ֆրանսիա հարաբերությունների զարգացման ընթացքը, ինչպես նաև համագործակցությունը երկկողմ և բազմակողմ հարթակներում:
Անդրադարձել են տարածաշրջանային զարգացումներին, ինչի շրջանակներում Արմեն Գրիգորյանը կիսվել է տարածաշրջանային անվտանգության իրավիճակով: Վերոնշյալի համատեքստում քննարկել են նաև երկկողմ համագործակցության հեռանկարները: