Աշնանը Հայաստանը կհյուրընկալի «Ամերիկյան երկրների մրցունակության փոխանակում» կազմակերպության հերթական միջոցառումը
1 րոպեի ընթերցում
ՀՀ էկոնոմիկայի նախարար Գևորգ Պապոյանի 100 օրվա պաշտոնավարմանը նվիրված մամուլի ասուլիսը
ԵՐԵՎԱՆ, 14 ՀՈՒՆԻՍԻ, ԱՐՄԵՆՊՐԵՍ: Սեպտեմբերի 28-ից հոկտեմբերի 4-ը Հայաստանում կանցկացվի «Ամերիկյան երկրների մրցունակության փոխանակում» կազմակերպության հերթական միջոցառումը:
«Արմենպրես»-ի հաղորդմամբ՝ այդ մասին ասուլիսում հայտնեց էկոնոմիկայի նախարար Գևորգ Պապոյանը:
Միջոցառումը երկրորդ անգամ է անցկացվելու ամերիկյան աշխարհամասի սահմաններից դուրս: Նախկինում ծրագիրը համատեղ հայտով հյուրընկալել են Իսրայելը և Գերմանիան: Գևորգ Պապոյանի պնդմամբ՝ Հայաստանում սպասում են բարձրաստիճան պաշտոնյաների և գործարարների՝ ամերիկյան տարբեր երկրներից: «Քննարկվելու են տնտեսական զարգացման, նորարարության, ձեռնարկատիրության ոլորտներում լավագույն փորձը, ինչպես նաև համագործակցությունը կրթության ոլորտում և գործարար կապերի զարգացման հնարավորությունները»,- նշեց նախարարը՝ հավելելով, որ այս ընթացքում լայնածավալ աշխատանք է իրականացվել իր ղեկավարած գերատեսչության և ԱՄՆ-ի առևտրի դեպարտամենտի միջև: