Գանձաքարում նախատեսվում է հիմնել կաթի վերամշակման արտադրամաս
1 րոպեի ընթերցում
![Գանձաքարում նախատեսվում է հիմնել կաթի վերամշակման արտադրամաս](http://armenpress.am/resized/480/static/news/b/2024/03/1133043.jpg)
ԵՐԵՎԱՆ, 22 ՄԱՐՏԻ, ԱՐՄԵՆՊՐԵՍ։ Էկոնոմիկայի նախարարի տեղակալ Աշխեն Շիրվանյանը ընդունել է Ֆրանսիայի Աղսո համայնքի ղեկավար Բրունո Բեթնոյի գլխավորած պատվիրակությանը։ Ինչպես «Արմենպրես»-ին տեղեկացրին Էկոնոմիկայի նախարարությունից, հանդիպման ընթացքում պատվիրակության անդամները ներկայացրել են ծրագիր, որի նպատակն է Տավուշի մարզի Գանձաքար բնակավայրում զարգացնել կաթի արտադրությունը։ Այդ նպատակով ֆրանսիական կողմի աջակցությամբ նախատեսվում է հիմնել կաթի վերամշակման արտադրամաս։
Պատրաստակամություն հայտնելով աջակցել ծրագրի արդյունավետ իրականացմանը՝ Աշխեն Շիրվանյանը հյուրերին ներկայացրել է ոլորտում իրականացվող քաղաքականությունը և պետական օժանդակության այն ծրագրերը, որոնցից կարող են օգտվել ծրագրին մասնակցող ֆերմերները։
Զրուցակիցներն անդրադարձել են նաև 2023 թ. նոյեմբեր ամսին Գանձաքարում ստեղծված ֆերմերների ուսումնական կենտրոնի գործունեությանը։