Քաղաքականություն

Մոսկվան և Բաքուն համաձայնեցնում են Լեռնային Ղարաբաղում խաղաղապահների շուրջ բանակցությունների ժամկետները․ ՌԴ դեսպան

1 րոպեի ընթերցում

Մոսկվան և Բաքուն համաձայնեցնում են Լեռնային Ղարաբաղում խաղաղապահների շուրջ բանակցությունների ժամկետները․ ՌԴ դեսպան

ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ։ Ռուսաստանն ու Ադրբեջանը համաձայնեցնում են Լեռնային Ղարաբաղում ՌԴ խաղաղապահ զորակազմի շուրջ բանակցությունների հաջորդ փուլի ժամկետները։ «Արմենպրես»-ի փոխանցմամբ՝ այս մասին «Իզվեստիա» պարբերականին տված հարցազրույցում հայտնել է Ադրբեջանում Ռուսաստանի դեսպան Միխայիլ Եվդոկիմովը։

«Մեր խաղաղապահ զորակազմի վերաբերյալ Մոսկվայի և Բաքվի միջև բանակցությունների հաջորդ փուլի ժամկետներն այժմ համաձայնեցվում են Ադրբեջանի ԱԳՆ-ի հետ», - ասել է նա՝ հիշեցնելով, որ Լեռնային Ղարաբաղում ՌԴ խաղաղապահների գտնվելու ժամկետն ավարտվում է 2025 թվականին։

Եվդոկիմովը նշել է, որ Ադրբեջանի կողմից Ղարաբաղում վերահսկողություն հաստատելուց հետո խաղաղապահ զորակազմի դերը փոխվել է։

Նա հավելել է, որ ՌԴ խաղաղապահներն այժմ տարածքում պարեկություն են իրականացնում ադրբեջանական ուժերի հետ միասին՝ պաշտպանելով շենքերն ու մշակութային կառույցները։

Ադրբեջանը 2023 թվականի սեպտեմբերի 19-ին հերթական ռազմական ագրեսիան ձեռնարկեց Լեռնային Ղարաբաղի դեմ՝ էթնիկ զտման ենթարկելով ԼՂ ողջ հայ բնակչությանը։ Ադրբեջանի ագրեսիայի հետևանքով ավելի քան 100 հազար հայ բռնի տեղահանվեց Հայաստան։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում