Հայաստանից սիգի ձկնկիթի արտահանումն արգելվում է 6 ամսով
1 րոպեի ընթերցում
![Հայաստանից սիգի ձկնկիթի արտահանումն արգելվում է 6 ամսով](http://armenpress.am/resized/480/static/news/b/2023/12/1126673.jpg)
ԵՐԵՎԱՆ, 21 ԴԵԿՏԵՄԲԵՐԻ, ԱՐՄԵՆՊՐԵՍ։ Հայաստանից 6 ամիս ժամկետով արգելվում է սիգի ձկնկիթի արտահանումը։
Ինչպես տեղեկացնում է «Արմենպրես»-ը, համապատասխան որոշումն ընդունվեց ՀՀ կառավարության հերթական նիստին։
Նշվում է, որ այս որոշումն ուժի մեջ է մտնում 2024 թ. հունվարի 2-ից և գործում է վեց ամիս ժամկետով։
Նախագծի ընդունման արդյունքում ակնկալվում է Սևանա լճի էկոլոգիական հավասարակշռության վիճակի բարելավում, լճի և դրա ջրհավաք ավազանի էկոհամակարգերի կենսաբազմազանության պահպանություն և կենսապաշարների կայուն օգտագործման բարելավում, սիգի կայուն զանգվածի պահպանում, արդյունագործական որսի իրականացում։