2 րոպեի ընթերցում
ԵՐԵՎԱՆ, 18 ԴԵԿՏԵՄԲԵՐԻ, ԱՐՄԵՆՊՐԵՍ: ՏԱՍՍ գործակալության գլխավոր տնօրեն Անդրեյ Կոնդրաշովըշնորհավորական ուղերձ է հղել«Արմենպրես»պետական լրատվական գործակալության տնօրեն Նարինե Նազարյանին՝ գործակալության 105-ամյակի կապակցությամբ:
Ուղերձում ասված է.
«Թույլ տվեք Ռուսաստանի ՏԱՍՍ տեղեկատվական գործակալության ամբողջ թիմի անունից և անձամբ իմ կողմից շնորհավորել Ձեզ և «Արմենպրես» լրատվական գործակալության ողջ անձնակազմին գործակալության հիմնադրման օրվա կապակցությամբ:
«Արմենպրես»-ը տարիներ շարունակ հանդիսանում է տեղեկատվության հեղինակավոր աղբյուր բաժանորդների և գործընկերների ամենալայն շրջանակի համար և վստահորեն վերահաստատում է իր հեղինակությունը՝ շնորհիվ իր լսարանի առջև պատասխանատվության և օբյեկտիվության բարձր մակարդակի:
Լրատվական լրագրության բարձր չափանիշներին և մասնագիտական ավանդույթներին հետևելը Ձեր գործակալությունը դարձրել է պահանջված և հարգված:
Համոզված եմ, որ «Արմենպրես» գործակալության ստեղծագործական անձնակազմը կշարունակի իր ներդրումն ունենալ համաշխարհային տեղեկատվական դաշտի սրընթաց զարգացման գործընթացում:
Օգտվելով առիթից` ցանկանում եմ վստահություն հայտնել ապագայում մեր գործակալությունների միջև բարի հարաբերությունների պահպանման հարցում։
Անկեղծորեն մաղթում եմ նոր հաղթանակներ, բարեկեցություն և բարգավաճում»: