ՀՀ առողջապահական հաստատություններում բուժումը շարունակում է ԼՂ-ից բռնի տեղահանված 180 անձ
1 րոպեի ընթերցում
ԵՐԵՎԱՆ, 18 ՀՈԿՏԵՄԲԵՐԻ, ԱՐՄԵՆՊՐԵՍ։ Հայաստանյան տարբեր առողջապահական հաստատություններում բուժումը շարունակում է Լեռնային Ղարաբաղից բռնի տեղահանված 180 անձ։
«Արմենպրես»-ի հաղորդմամբ՝ այս մասին «Հումանիտար կենտրոն»-ում հոկտեմբերի 18-ին տեղի ունեցած ասուլիսի ընթացքում ասել է ՀՀ վարչապետի մամուլի քարտուղար Նազելի Բաղդասարյանը։
«Նրանցից 32-ի վիճակը գնահատվում է ծանր, 9-ը՝ ծայրահեղ ծանր։ Վերջին շաբաթվա ընթացքում 75 բուժառու դուրս է գրվել լավացումով, բայց նրանք շարունակում են գտնվել բժիշկների հսկողության ներքո»,-ներկայացրել է Բաղդասարյանը։
Նրա խոսքով՝ ամբուլատորիաներում և պոլիկլինիկաներում արդեն 35 հազար 550 անձ է կցագրվել։