1 րոպեի ընթերցում
ԵՐԵՎԱՆ, 11 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի ֆուտբոլի ազգային ընտրանու գլխավոր մարզիչ Ալեքսանդր Պետրակովը դժվար հանդիպում է ակնկալում Լատվիայի դեմ:
«Լատվիան վատ թիմ չունի: Հասկանալի է, որ նրանք ամբիցիաներ ունեն և մեզ առաջիկայում դժվարին հանդիպում է սպասվում»,- «Արմենպրես»-ի հաղորդմամբ` լրագրողների հետ հանդիպման ժամանակ ասել է Պետրակովը:
Խոսելով Հայաստանի ազգային թիմի նորեկ Էդգար Սևիկյանից` մասնագետն ընդգծել է, որ դրական տպավորություններ ունի հայ ֆուտբոլիստից:
«Մեզ առաջիկայում ամենակարևոր հանդիպումն է սպասվում: Հենց այս խաղից շատ բան է կախված»,-ասել է նա:
Լատվիա-Հայաստան հանդիպումը կկայանա հոկտեմբերի 12-ին՝ ժամը 20։00-ին։