Ադրբեջանը կեղծ մեղադրանքներով կալանավորել է Արկադի Ղուկասյանին, Բակո Սահակյանին և Դավիթ Իշխանյանին
1 րոպեի ընթերցում
ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Բաքվի Սաբայիլի շրջանային դատարանը քննել է Լեռնային Ղարաբաղի նախկին նախագահներ Արկադի Ղուկասյանի և Բակո Սահակյանի, ինչպես նաև Լեռնային Ղարաբաղի ազգային ժողովի նախագահ Դավիթ Իշխանյանի գործերով Ադրբեջանի պետական անվտանգության ծառայության քննչական վարչության ներկայացրած շինծու մեղադրանքները և նրանց նկատմամբ խափանման միջոց է ընտրել կալանքը՝ 4 ամիս ժամկետով։
Ինչպես տեղեկացնում է «Արմենպրես»-ը, այս մասին հայտնում են ադրբեջանական լրատվամիջոցները։
Նշվում է, որ երեքն էլ ձերբակալվել են Ադրբեջանի պետական անվտանգության ծառայության աշխատակիցների կողմից և տեղափոխվել Բաքու, նրանց մեղադրանք է առաջադրվել Ադրբեջանի քրեական օրենսգրքի տարբեր հոդվածներով: Այլ մանրամասներ չեն հաղորդվում։