Հայաստանի ՊՆ-ն հերքել է Բաքվի հերթական կեղծ մեղադրանքն ադրբեջանական դիրքերի ուղղությամբ կրակելու մասին
1 րոպեի ընթերցում
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ։ Ադրբեջանը հերթական ապատեղեկատվությունն է տարածել հայկական զինված ուժերի կողմից ադրբեջանական դիրքերի ուղղությամբ իբր կրակ բացելու մասին։ «Արմենպրես»-ի փոխանցմամբ՝ այս մասին հաղորդագրություն է տարածել Հայաստանի պաշտպանության նախարարությունը։
«Ադրբեջանի պաշտպանության նախարարության տարածած հաղորդագրությունն այն մասին, թե իբր սեպտեմբերի 2-ին` ժամը 12։58-ի սահմաններում, ՀՀ ԶՈՒ-ն կրակ է բացել սահմանագոտու հարավարևմտյան հատվածում տեղակայված ադրբեջանական դիրքերի ուղղությամբ, հերթական ապատեղեկատվությունն է»,- ասված է պաշտպանության նախարարության տարածած հաղորդագրության մեջ։
Ավելի վաղ Ադրբեջանի պաշտպանության նախարարությունը ևս մեկ կեղծ տեղեկատվություն էր տարածել, թե ՀՀ ԶՈՒ ստորաբաժանումներն ականանետ են կիրառել ադրբեջանական դիրքերի ուղղությամբ, որն անմիջապես հերքվել էր Հայաստանի պաշտպանության նախարարության կողմից։