Պետք է անհապաղ ազատ արձակել հայ ռազմագերիներին. ՀՀ ԱԳՆ-ն հիշեցնում է Մարդու իրավունքների պաշտպանությամբ զբաղվող կազմակերպությունների կոչը
1 րոպեի ընթերցում
ԵՐԵՎԱՆ, 27 ՀՈՒՆԻՍԻ, ԱՐՄԵՆՊՐԵՍ: Հայաստանի մարդու իրավունքների պաշտպանը Խոշտանգումների զոհերի աջակցության միջազգային օրվա կապակցությամբ հայտարարություն է տարածել՝ հատկապես անդրադառնալով Ադրբեջանում պահվող հայ ռազմագերիների և քաղաքացիական անձանց խնդրին: Այս մասին հաղորդում է «Արմենպրես»-ը՝ վկայակոչելով ՀՀ արտգործնախարարության խոսնակ Անի Բադալյանի գրառումը Twitter-ում:
«Հատուկ անդրադարձ պետք է կատարվի Ադրբեջանի քաղաքականությանը, մասնավորապես՝ Ադրբեջանում պահվող հայ ռազմագերիներին և քաղաքացիական անձանց խոշտանգումների և անմարդկային վերաբերմունքի ենթարկելու առումով», - մեջբերել է Անի Բադալյանը Մարդու իրավունքների պաշտպան Անահիտ Մանասյանի ուղերձից:
ԱԳՆ խոսնակն ընդգծել է, որ Մարդու իրավունքների պաշտպանությամբ զբաղվող կազմակերպությունները ևս կոչ են արել անհապաղ ազատ արձակել հայ ռազմագերիներին: