368.06
Շարունակում ենք հավատարիմ մնալ տարածաշրջանային բոլոր հարցերը բանակցություններով կարգավորելու քաղաքականությանը․ Փաշինյան
1 րոպեի ընթերցում
ԵՐԵՎԱՆ, 13 ԱՊՐԻԼԻ, ԱՐՄԵՆՊՐԵՍ։ Հայաստանը շարունակում է հավատարիմ մնալ և ներգրավված լինել Լեռնային Ղարաբաղի հիմնախնդիրը և Հայաստան-Ադրբեջան հարաբերությունները բանակցություններով կարգավորելու քաղաքականությանը։
«Արմենպրես»-ի փոխանցմամբ՝ Կառավարության նիստի ժամանակ այս մասին ասաց Հայաստանի վարչապետ Նիկոլ Փաշինյանը։
«Ի հեճուկս բոլոր դժվարությունների՝ մենք շարունակում ենք հավատարիմ մնալ և ներգրավված լինել տարածաշրջանային բոլոր հարցերը՝ Լեռնային Ղարաբաղի հիմնախնդիրը և Հայաստան-Ադրբեջան հարաբերությունները բանակցություններով կարգավորելու քաղաքականությանը։
Մենք պատրաստ ենք նաև տարածաշրջանային և տնտեսական և տրանսպորտային կապերի վերաբացմանը՝ նախկինում մեր բարձրաձայնած սկզբունքների հիման վրա։ Պատրաստ ենք նաև դելիմիտացիային Պրահայի և Սոչիի պայմանավորվածությունների հիման վրա»,- ասաց Փաշինյանը։
Բաժանորդագրվեք մեր ալիքին Telegram-ում